Monaſterii S. Vdalrici. Auguſtae X.

160. ¹

Hie hebt ſich an ſant

v̊lrichs leben ⸫

D Er haijlig herr Sant v̊lrich was von hohem vnd wirdigem geſchlecht der teütſchen geporen · Sein vater hieſz Růpald₉ vnd was graf zů dillingen vnd kijeburg vnd ſein můter hieſſ Diepurga als die altē geſagt haben geporen auſz den herren von faijmīngē · Sant v̊lrich als er geporen ward wie wol ſein fleijſſiclich gewartet vn̄ emſziclich erzogen ward Dannocht be = laijb er dürr vnd mager Alſo das ſich vate² vnd můter vor den frembden leůten ſein ſchampten Vnd als nun vater vnd můte² vmb ſöllichs faſt betruͤbt warent · kam zů Jn ein frembder bilgerin ain pfaff vnd enpfieng ettlich tag beij In herberg Als dann Jr hauſz allen pilgerin vnd armē leuten offen was Der ſelbig pfaff oder pilgerin ains tags da er zů tiſch saſz hort er das kint Sant v̊lrich der dennocht nit

1 Besitzeintrag das frühen 16. Jahrhunderts

/ 1v

zwölf wochen alt was ain geſchraij tůn · Da forſt der gaſt oder pilgerin wer oder wes das kind were Also von ſcham wegen ſo vate² vnd můter von des kindes vngeſtalt wegē hetten Da wolten ſi dem gaſt nit antwürt geben wann wie wol das kind Sant v̊lrich von leib wol geformiert vnd geſtalt was · Was es doch von antlitz faſt mager Das es ſeiner ammen ain ſchand was Da ſprach der pilgerin wölt Ir das kind behalten So entwent das pald von můterlicher milich vater vnd můter verachten das gaſts rat ̯ tag Vnd teten das nit Jn dem andern̄ ̯ hort der gaſt aber das kind Sant v̊lrich ſchreijē vnd wainen vnd ſprach zů vater vnd můter · war vmb habt Ir nit gefolgt meinē rat Das ward aber veracht Jn dem tritē hort der gaſt das das kindes geſchraij krencker was dann vormals Vnd ſprach zu vater vnd můte² von vbervnfleijſzikaijt würt das kind verder = ben vnd wiſzent für war Jſt das Jr es nit von můter milch entnement So ſtirbt es noch Jn diser nacht Wirt es aber entwent So würt es geſunt vnd wirt durch got künfticlich

2r groſz an Jm erzaijgt Da volgten erſt vate² vnd můter dem gaſt Vnd ſpeijſeten das kind Sant v̊lrich mit ander ſpeijſz Da nam das kind von tag zetag faſt ſer des leibes zů vn̄ wünderpärlich anhuͤpſchikaijt Da lobten baijde vater vnd můter got vmb geſundhaijt irs kindes vnd vmb zů geſantnuſz des gaſts

Jtem das Ander Capitel ·

D O ſant v̊lrich nun vernunft gewan da fieng er an teglich heijlige werck zů volpringen gottes forcht haben vate² vnd můt² eren vnd all v̈bel vnd boſzhaijt ver meijden · s#s Das tritt Capittel · s#s D Ar nach enpfalch vater vnd můter das kint Sant v̊lrich Jn ſant Gallen Cloſter wann dar Jnn waren auf die ſelben zeijt vil edel vnd gaijſtlicher brůder Die or = dentlich nach ſant Benedictē regel lebtē Da ſelbs lernet ſant v̊lrich Jn den ſiben freijē künſten vō ainē průder mit namē waining vnd nam ſant v̊lrich an künſt vnd zucht vn̄ zucht vnd weijſzhaijt teglich faſt mercklichē zů alſo Alſo das die pruͤder des ſelben cloſters Sant v̊lrich offt ernſtlichen ermanten Das

2 überschrieben / Korrektur

můter ward enpfolhen dem haijligē Biſch = off Adelberon zů Augſpurg ·

D Ar nach enpfalch vater vnd můter Sant v̊lrich dem haijligen biſchoff Adelberon Der ſelbig was biſchoff zů Aug = ſpurg vnd was weijſz vnd wolgelert vnd ward das Römiſch reich faſt durch Jn regiert Der ſelbig haijlig biſchoff Adelbero ob er et = was ſtraffperlichs Jn ſant v̊lrichs leben fund das er das ſtraffet der ſelbig haijlig adelbero Als er ſant v̊lrich ſach von hüpſcher perſon vnd edlem geſchlecht Auch das er an zücht tugent vnd auch an kunſt wol geziert wa ³ was macht der haijlig Adelbero Sant v̊l = rich zů ſeinē kamrer Da dient Sant v̊l = rich dem heijligen biſchoff fleijſziclich vn̄ ward Jm beijſtaͤndig vnd helfen regierē ſein biſtū Jn gaijſtlichen vnd weltlichē vnd belaijb beij Im biſz der haijlig biſchoff ſtarb ⸫ Das fünft Capitel ſagt das her = nach geſchriben iſt wie ſant v̊lrich kam gen Rom Jn pilgrins weiſz vnd Im ward enpfolhen von dem babſt marino das ma = rino das biſtum zů Augſpurg ·

A Ls ſant v̊lrich Achzehen Jar alt ward Da ſtarb der heijlig Biſchoff Adelbero vnd ward nach Jm hiltine zů ainem biſchoff erwelt Dem ſelbigen biſchoff wolt Sant v̊lrich nit dienen wann ſein vater was geſtorben Dar vmb kam ſant v̊lrich zů ſeiner můter vnd half ir regieren Dar nach zoch ſant v̊lrich pilgrins weijſz gen rom vnd ward vō babſt marino wol enpfangē vnd forſchet Sant v̊lrich wer vnd wanne er wär Sant v̊lrich antwurt Jch pin von teuͤtſchen landē vnd des biſchoffs Adelberonis clerick ode² pff ⁴ pfaff Der babſt antwurt Adelbero da von du ſagst Ist geſtorben vnd du můſt an ſein ſtat daſelbs biſchoff werden Vnd vnder weiſet der babſt Sant v̊lrich mit maniger ler das er nit verachtet biſchoff zů werden vnd von bäbſtlichem gewalt pot der babſt Sant v̊lrich das biſtum auffzůnemen vnd ſaget Sant v̊lrich auch alles das des Jm vormals die Cloſ = nerin beij Sant Gallen cloſter het geſagt Dar nach enpfalh Sant v̊lrich dem allmä = chtigen got vnd ſeinē lieben zwelfpotten pe = tro vnd paulo ſein aijgne ſel vnd zoch von

4 durchgestrichen / Korrektur

Rom vnd kam nijmer zů dem babſt Darnach haimſůchet Sant v̊lrich ander lieb heiligen vnd heijlig ſtet vnd kam wider zu ſeine² mute² · Das ſechſt Capitel wie Sant v̊lrich erwölt ward zů biſchoff ·

A ls hiltine fünffzehen Jar Biſchoff was geweſen Da ſta²b er vnd was ſant Jn dem trithalb vnd dreijſſigoſten Jar vnd ward einhelliclich zů ainem biſchoff zů Augſpurg erwelt vnd durch erwerben ſei = ner ſchweſter ſün herzog burckharts vnd ander ſeiner fründ von dem künig hainrich = en das ſtifft gelihen wan̄ ſant v̊lrich dem künig an herlichkaijt der perſon vnd ande² tugent künſt faſt wol gefiel vnd ward dar an der kindlin tag zů weijchennächten zů biſchoff geweihet · Das ſibent Capitel ·

A ls nun ſant v̊lrich zů Augſpurg erwelt beſtet vnd zů biſchoff geweihet ward Vnd das biſtum ein het genomē ward er faſt ernſtlich vnd fleijſſiclich betrachten mit was vnd welhen tugenden vnd zierē ain ijeglicher Biſchoff geziert ſol ſein vn̄ vnder weijſet vnd lernet vndertan vnd ſtra = ffet das vbel vnd lieſz kain zeijt weder tag

noch nacht vnnützlich hin gan vnd was fleijſziclich betrachten wie das er beſund² = lich der verfallen vnd verprenten kirchē auch heuͤſer vnd ander paẅ der ſtat Aug = ſpurg wider macht wann ſölliches alles durch die vnglaubigen faſt verderbt ver = prant vnd zergangen was beij des nechſtē vor Jm Biſchoffs zeijten Jn der ſtat Aug = ſpurg vnd auff dem land allenthalben Wann die ſtat Augſpürg vn̄d ſant v̊lrich mit hiltzin ſchrancken vnd gättern̄ vnd mit ainē tüll von faulem holtz vmb geben · Dar vmb halff Sant v̊lrich mit allem ſeinem vermuͤgen ain nider maur zemach = en Es was auch das volck Jn der ſtat vn̄ auff dem land faſt von den haijden erſchlagen vnd die lebendig belibent warend hungrig ellend vnd arm Den ſelben kam Sant v̊l = rich gaijſtlich vnd zeijtlich zehilff nach al = lem ſeinē vermügen vnd ſtäten vnd was zů ijederman milt Er ſpeijſet täglich vnd claij = det vil arm leuͤt etc Das Acht Capitel · das ſagt von der grünft oder kripp Jn vnſer lieben frawen kirchen ⸫

A ls nun Sant v̊lrich vnder andern̄ be = dacht die kripp oder grunft In vnſer lieben frawen kirchen zů weitern̄ vnd beſſern̄ vnd das ſelbig faſt volpracht was Erſchin eins mals Sant v̊lrichs Caplan Ramperto der haijlig Biſchoff Adelbero Jn biſchofflichē claidern Jn maſz als er ſtůnd Jn der grünft vnd winckt Ramperto das er kem vnd hilf Im meſz haben Rampert₉ der Caplan ward faſt ernſtlich Sant vlrich an ſehen Da ſprach ſant v̊lrich wie ſichſt du mich an Rampert₉ ſprach da ſich Ich mein herren Adelberonen der rüfft mir das Ich Im helf meſz haben Sant v̊lrich ſprach ſo gee hin bald vnd was er dich haijſz das tů Da Ram = pert₉ nachet dem biſchoff Da ſprach der heij = lig Biſchoff Adelbero Ramperte ſag deinē herren für die pet vnd almůſen die er treẅ = lich für mich getan hat werd er groſſ lon von lon ⁵ von got enpfahen vnd das er habe zů Ainē zaijchen das Ich vnd der heilig fortu = natus der biſchoff an dem nechſten grönen dornſtag wöllen mit gottes hilf den heiligē Criſem mit Jm ſegnen vnd das gepaẅ diſer grunft wirt nider fallen Er ſol aber nit dauō

5 durchgestrichen / Korrektur

laſen er ſol ſij mit ſterckerm gründ vndermachē vnd ſag dem prüdern̄ das ſij vmb verſamn₉ Jrs petes ſo ſi für mich ſolten gethan haben von got ſtraffe vnd půſz enpfahen werden Es ſeij dann das ſi ſöllichs gen got verſönent vnd als die ſcheinūg vergieng vand dar nach das die grunft nider was gefallen da lieſz er ſi wider ſtercker machen vnd pawē ⸫

Das viiij Capittel ·

D ar nach auf ain ander zeijt was Sant vlrich vnd Rampert₉ ſein Caplan zů wäringen mit ain ander In der kirchen vn̄ ward aber Sant v̊lrich ernſtliche anſehen vnd ſprach Rampert₉ Jch ſich meinē herrē Adelberonem Jn geleicher weiſz als vor der winckt mir das Ich Im helf meſz haben was da beſchach Iſt nit geſchriben ⸫

Das x Capittel ſagt wie vnſers herren rechte hand erſchin Sant v̊lrich dem lieben die =

D Ar nach an der nacht des // ner gottes / grönen dornſtags In dem ſchlauff hort Sant v̊lrich die ſprach biſchoff v̊l = rich wiſſeſt das du heuͤt geſt wirſt haben vnd als ſant v̊lrich an der ſtim ward er = weckt betrachtet er mit Jm ſelbs wer die

geſt ſolten ſein vnd ward wider ſchlauffen Da kam wider ain ſtim vnd ſprach v̊dalrice dein pet vnd almůſen ſind got genäm vnd wol = gefallen der hat zwainē deinē vorfaren dē fortunato vnd Adelberoni enpfolhen das ſi dir heüt vnd dar nach Jn diſem heijligen feſt beijſtendig ſeijen Vnd mit dir die hei = ligen ſacrament ſegnen An dem morgen an dem heijligen donrſtag da Sant v̊lrich die heijligen meſz wolt verpringē vnd den Criſem ſegnen Erſchinē allen gaijſtlichē vnd weltlichen mēſchen die des wirdig wa = rent zeſehen Vnſers lieben herrn̄ Jhū xpī gerechte hand vnd machet mit den dreij Biſchoffen v̈ber die heijligen ſacrament das zaijchen des heiligen creütz vnd als ſant ſein vndertan gaijſtlich vnd weltlich mit dem ſacrament berichtet wer Jn dan̄ bedaucht das er die zaijchen geſehen het So er Jm dann vnſern̄ herren Jn den mūdt gab ſo tet er im ſein vinger für den münd zů zai = chen das er ſöllichs geſicht nit ſagen ſolt vnd als das ampt verpracht was ſaget Sātt v̊lrich allen wirdigen haijmlichē was vnd wie Jm In der nacht vergangen

die erſcheinūg erſcheinūg beſchehen waͤr Vnd verpot Jn allen ob ſij anders leben wol = ten das ſij ſöllichs nit ſagen ſolten die weil er lebt · Das xj Capitel ·

D Ar nach an dem haijligen Oſtertag da der haijlig prieſter Sant v̊lrich meſz hielt da erſchain aber vnſers herren hant vn̄ ſegnot vnd machet creütz mit ſant v̊lrich vber das haijlig ſacrament Da die meſz verpracht ward da volget nach ſant v̊lrich Jn den ſegrer hainric₉ der auf den ſelben tag ſinger oder cantor geweſen was vnd vor den laijen vnd allen leuͤten oder perſonen fiel er ſant v̊lrich zefůſſen vnd růfft offen = lich auſz das zaijchen das da beſchehen was vnd er auch geſehen het Dem ant = wurt ſant v̊lrich dir wär böſzer du hetteſt ge = ſchwigen denn ſöllichs dem volck geſagt vnd von ſtund an gieng des ſelb hainric₉ von ſant v̊lrich vnd ſetzt ſich für ſant v̊lri = chs pett oder kamer als pald fiengen des ſelben hainric₉ augen an groſz zeher gieſſē lāg Als bis er das geſicht verlos etc

Das zwoͤlft Capitel ſagt wie Im · Affra erſchin · ·S·

D Ar nach aber ains nachtz als Sant v̊lrich ſchlieff vnd an ſeiner rů was Erſchin Jm Sant Affra Jn hupſcher geſtalt mit auf geſchirtzem rock vnd ſprach zů Sant vlrich ſtand auf vnd volg mir nach von ſtund an ward ſant vlrich von ſant Affra auf das lechfeld gefürt Da ſach ſant vlrich den zwelfpotten ſant peter ſitz Jn rat vnd Concilio mit vil biſchoffen vnd andern̄ heij = ligen die ſant v̊lrich vormals Jn leben hett erkant ain tails da ſelbs ward erkennē vn̄ vnder mängerlaij von den ſelen zeclagen ſo ſij hetten ^//durch die lebentigē Ir durch ächte² // vber // ⁶ hōret ſant v̊lrich auch ain groſz clag von dē heijligen v̈ber hertzog arnolf der auf die ſelben zeijt lebentig vnd hertzog zepaijrē vnd Im norckaẅ was wie der ſelb hertzog vil clöſter vnd gotzhauͤſer erſtoͤrt vnd der gilt vnd guter vnder der laijen hend taijlet vnd warent da ſelbs zwaij ſchwerter erſchinen von ſant peter vnd erzaijg ains mit ainē ge = hiltz Das ander on gehiltz vnd ſprach ſant peter zů ſant v̊lrich ſag dem kunig hainrich das der on biſchofflich weich das reich beſitzt als tüglich iſt als das ſchwert on gehiltz ·

6 im Original auf der linken Blatteseite ergänzt

Das xiij Capitel ·

D Ar nach zaijgt Sant v̊lrich ⁷ affra Sant v̊lrich vil ſtet Das groſz ſtreit von den vnglaubigē vnd boͤſen criſten ſoltē beſchehen vnd kaijſer Ott dar nach von ſant vlrich ermanē ſchlöſſer hin pawet vnd das die vnger groſz vbel wurden tun aber der ſig des ſchwertz wurd von got den criſten behaltē Vnd als Sant affra · ſant v̊lrich vil vnder = weijſt vnd gelert hett vnd die erſcheinūg ergieng ward ſant v̊lrich wider Jn ſein rů ge = fůrt Söllich erſcheinūg ſaget er dar nach dienen die er am liebſten het Sant v̊lrich kam auch der erſcheinūg an des kunigs hainrichs hoff vnd dienſt bis er geſtarb ·

A ls nun künig hein = // Das xiiij Capitel / rich ſtarb vnd Otto ſein ſun ward künig ward enpfalh ſich ſant v̊lrich ſeinē dienſt vn̄ das ſelbig mal hett Sant v̊lrich ſeiner ſchwe = ſter lütgarte ſun mit Namen Adelbero als die legend erkennē gibt So iſt er ain graff zů helfenſtain geweſen wol gelert vnd erzogē von der ſchůl genomen Den ſelben Adelbe = ron enpfalch ſant v̊lrich dem kaijſer Otto das er anſeiner ſtat mit ritern̄ vn̄ knechtē

7 durchgestrichen / Korrektur

Von des ſtiffts wegen ſtäticlich an des kaijſers hoff dienen ſolt Alſo von groſzer mercklich dienſt wegen ſo Sant v̊lrich von ⁸ den künigē vnd dem reich getan het erworten das er Jn rů vnd raſtung gottes dienſt volpringē moͤcht ward ſant vlrich von kaijſer Otten erlaubt Das Adelbero an ſeiner ſtat dem kaijſer dienen möcht · Jtem wie Augſpurg ward gewunen vnd vil volcks erſchlagen vnd gefangen ⸫

U nd nun als Sant v̊lrich vil groſz lo = blich gotzdienſt vnd heijligw werck emſiclich vor zů ſeiner kirchen vnd folck vol pracht Erdacht der böſz veind ſeinē ſamē zeſäen vnd das gůt mit vbel vnderkomen Vnd ordnet das hertzog lütolff des kaijſers otten ſun vnd hertzog hainrich von norckaẅ des kaijſers Otten pruder veind wurden Alſo da kaijſer Ott ſein průder heinrich vnd lut = olfen ſein ſun mit ain ander mocht nit ver richten Da ſag der kaijſer ſeinem ſun ⁹ průde² hertzog hainrichen zů wider ſeinē ſun zů helfen vnd als nun vmb hilf hertzog hain = rich beij ſeinē bruder kaijſer Otten Jn ſachſen was het er Arnolfen dem pfaltzgrauen beij

8 durchgestrichen / Korrektur

9 durchgestrichen / Korrektur

Rein des offt vorberuͤrtē hertzog Arnolfs ſun Die ſtat Regenſpurg vnd das hertztům Noͤr = ckaw enpfelhen ¹⁰ Da ſchlug der pfaltzgraue Arnolf mit der ſtat Regenſpurg vnd allem das Jm enpfolchen was vnd machet ſich hel = fer hertzog lütolf des kaijſers ſun Da der kaij = ſer das Jnnen ward wolt er ſeinē průder hertzog ſein land wider ein ſetzen vnd berůfft zů hilf alle des reichs vndertan Da kam ſant v̊lrich mit ſeiner macht dem kaijſer zehilff Vnd wie er mocht beſetzt er die ſtat Augſpurg Vnd als nun Sant vlrich etwan lang beij dem kaijſer wider hertzog leütolfen was · Beſamnet der hertzog ain groſz menig volck vnd kam fur die ſtat Augſpurg vnd gewan die vnd nam leüt vnd gůt dar auſz vnd ver = prant die vnd ſchlůg da vil volcks zetod vn̄ fůrt Auch mit dem raub vil gefangen Riter vnd knecht wurden abgen ¹¹ baijren vnd ettlich auch Sant v̊lrichs knecht wurden abtrin̄ig Als nun Sant v̊lrich ſöllich verkünt ward vonſtund an zoch er von des künigs hoff gen Augſpurg vnd da mit ſeinē dienern̄ zerat das er ſich mit ſeiner macht vnd vberbeliben volcks ſolt Jn den marckt menchingē legen vnd dē

10 l nachträglich eingefügt

11 durchgestrichen / Korrektur

ſelben für die veind paẅen Alſo wie wol groſz winter was lieſz Sant v̊lrich dennocht pald . menchingē nach vermůgen veſt vnd gůt machen Als nun hertzog Arnulf Jnnen ward das ſich Sant vlrich alſo zů menchingē ſamnet vnd pawet Doͤtt er im potſchafft · Das er ſich Das er ſich mit allen den ſeinen vndertaͤnig machet vnd von des kaijſers Otten dienſt gieng wolt er anders ſein ſelbs vnd ander der ſeinē leben behalten Sant v̊lrich gab dem hertzog hupſch vnd diemuͤtig antwurt Er nam zil vnd tag ſich vmb ſöllichs zebedenken Er kauft ain zeijt frid vmb gelt als lang bis er menchingen feſt vnd ſtarck wider die feind het laſzen machen Da lieſz Sant v̊lrich hertzog Arnolfen ſagen er wolt ſich von des kaijſers vnd des reichs gehor = ſam nit ziechen ¹² Da beſamnot Arnolfus faſt ain groſz hoͤr vnd vermaint den biſchoff vnd die ſeinen Jm vndertaͤnig zů machē vnd als nun Sant v̊lrich Jnnē ward das ſich Arnolffus wider Jn stercket vnd ſamnot Schicket Sant v̊lrich Botſchaft zů Im vnd lieſz In pitten da uon zelaſzen vnd ſprach Jm groſz gelt dar vmb ze = geben Enpfalch auch ſeinē pottē wölt Arnolffus

durchgestrichenes überschriebenes o über ziechen

ije nit Ablaſzen So ſulten ſij Im vnd den an = dern beij dem pann pietten Das verachtet als hertzog Arnolf vnd verlegt ſant v̊lrich vnd die ſeinen zů menchingen an der herrn̄ faſnacht vnd verdoͮrbt allenthalben das land SAnt v̊lrich lag vmb ſöllichs tag vnd nacht an ſeinem gepett vnd als ſant v̊lrichs vette² mit namen graff Adebert₉ vnd graf Theoba = ldus Sant v̊lrichſ průder ſöllichs verſtůndē zů hand haimlich ſamnotē ſi ain groſz volck vnd an dem maͧntag Jn der erſten faſtwochē Am morgen frů vberfielen ſi haimlich die veind Jn dem hör vnd zelten vnd machten ain groſz flucht Jn die veind vnd warden vil an der der flucht Jn den zelten erſchlagē vnd kamen lützel mit mit leben daruon vnd wurden al = leſampt werloſz Dan̄ ainer mit namen Egl = olff ſchlůg Adelberto ain clain wundē In den arm dauon erſtarb als das S Affra ſant v̊lrich geſagt hett Den ſelben Adelberonē fůrt ·S· v̊lrich gen Augſpurg vnd begrub In in vnſer frawen kirchen zů Sant walpurgen Altar Der vor genant Eglolff ward von ſtund an erſchlagen von ainē des grauē diener mit

namen Luͤtprecht Alſo das kainer da uon kam der vormals vnſer frawen leüt vnd gůt betrübt hett erhett dann pueſz dar vmb en = pfangen vnd widerkert vnd ward auch hertzog des Arnolfen ſun gefangē ander flücht etc

A Jner aus dem Biſtū // Das xv Capitl̄ / Aijchſtet der het geraubt zů Augſpurg ain tiſchtůch Da er es haim pracht ward er von ſtund an von dem teüfel beſeſſen Das er kain rů noch raſt mocht haben Jn half auch nit das weijchwaſſer Jn bedaucht als der zeit wie der teuͤfel ſein vnſchidlicher geſell wär als lang bis er gen Augſpurg kam vnd das diſch = tůch wider gab vnd das ¹³ genad vnd ablaſz von ſant v̊lrich gewan vnd ein ander ſein geſell fraſz Im ſelb ſein hend ab vnd zerriſz als lang bis er ſtarb Ain ander het ain bůch geraubt zů Augſpurg Dar vmb hett er Jm ain roſz kaufft vnd als er das roſz haim pracht zaijget er das ſeiner hauſzfrawen vnd ſprach Jſt mir nit nützer Jch hab ain hupſch pferd dan̄ das ich dz půch Dar vmb Jch das roſz kauft han zů Aug = ſpurg het gelaſzen Die hauſfraw antwurt dir wer nuͤtzer dein hend hetten das půch vnrecht = iclich nie angriffen Als pald ſtraijch vnd zartet

13 durchgestrichen / Korrektur

er dem pferd auf den ars Da ſchlůg das pferd auf vnd ſchlůg Jn zetod Der geleichē zaijchē geſchach gar vil Dar vmb geſchach vnd kam gar ain groſz forcht Jn ijederman das nit allain die geraubt vnd vnſer frawen ſelbs ſchaden hetten getan ſunder auch die dar zů geratten vnd geholfen heten oder von ^{//dē// 14} ſelben enpfangen oder ſunſt des ſtifts gůt vnordēlich Jn hetten kamē gen Augſpurg zů Sant v̊lrich ·

Das xvj Capitel ſagt wie kaijſer Ott vnd ſein ſun gegenain ander ſtreijtē wolten ·

D Ar nach als nun kaijſer Ott ain groſz volck geſamnet hett vnd der ijler beij tüſzen Ze feld lagen vnd gegen Im ſein ſun hertzog lutolf auch mit groſſem volck vnd warteten ains ſtreits gegen ain ander Dar vnder ſtůnd ſich Sant v̊lrich mit dem biſchoff von kuͤr genant Harpert₉ die feintſchaft zwiſchen den herren zů uerrichten Das groſz plůtergieſ = ſen ſo an baijden ſeijten Jn vnſaͤglicher mä = nig des volcks vermitten wurd vnd mit hilf des almechtigen gottes vnd der lieben heijligē verrichet Sant v̊lrich vnd der biſchoff Har = pert₉ die herrn̄ mit ain ander Da ward von allem volck vnauſzſprechenlich groſz frewd vnd ¹⁵

14 dē über der Zeile ergänzt 15 durchgestrichen / Korrektur

vnd got vor an vnd ſant v̊lrich vnd dem wir = digen Biſchoff harperto groſz lob vnd er geſagt vnd enpfieng kaijſer Ott hertzogen lütolffen ſein ſun mit groſſen freẅden wider haim ⸫

Das xvij Capitel ſagt wie die vngelau = bigen kamen In teütſche land ·

D Ar nach vber ain Jar da man zalt von Criſt gepurt neẅnhundert vnd fier vnd fünftzig Jar Als dann Sant v̊lrich vō ſant Afra geſagt was kam Jn teuͤtſche land ain vunſäglich vnd ein vnauſzſprechlich groſz volck Das ſo vil volcks nie mer gehört noch geſechen was worden vnd verdarpten das land gäntzlich mit ſampt leuten vnd gůt von der Tonaw bis an den ſchwartzwald vnd kamen von der ijler biſz an den lech vnd legtēn ſich für die ſtat Augſpurg was auff die ſelben zeijt mit aine² nidern̄ maur on türen vmb geben Sant v̊lrich hett dar Jnn vil feſter vnd gůter ritter vnd knecht dar durch die ſtat wider die veind allenthalb an der maur vnd porten durch Sant v̊lrich an ordnūg gefeſtet geſterckt ward Alſo das ſich die auſz der ſtat ſtätticlich wider die feind mit ge = ſchos feſticlich wurden fechten vnd das tor

gegen aufgang der ſunen vnd dem lech was Ammaijſten mit den vngern̄ belegt Alſo das die ritter vnd die knecht muͤſten die groſz mä = nig der vngern̄ auſzerhalben der porten vnd tor beſtreijten vnd abtreiben Alſo zoch ſant v̊lrich mit ſeinē volck vnd ¹⁶ gewaffnet an dē ſtreijt vnd legt ain ſtol an ſein hals vnd ſaſz auf ſein pferd vnd rait durch den ſtreit durch geſchos durch hawē vnd ſchlahen ſicher vnd vnuerſert vnd ermanet ſein vock frölich zů fechten Alſo ward der vngern̄ beſter fechter vn̄ hauptman erſchlagen Dar an ſi groſz laijd vnd ſchmerzen hetten vnd gaben die fluch Jn Jr zelt vnd veſtigūg Als das vechten erga = ngen was beſetzet ſant v̊lrich die maur mit fleiſz vnd porten vnd ſamnet All gaijſtlich frum frawen Jn der ſtat vnd ordnet das der halbtaijl mit lobgeſang mit creütz geng die gantzen nacht verbrechten vnd das der andertaijl Jn vnſer frawē kirchē auf dem eſtrich ligent got vmb erlöſung fleiſziclich pitten vnd als nun tagen wolt hett Sant v̊l = rich meſz vnd ſpeijſet all ſein vndertan mit dē ſacrament vnd ermant ſi ain gantzē gelau = ben vnd hoffnūg allain zů got haben Als nun die ſunn auffgieng waren die vnger allenthalb an der ſtat vnd wolten die gewīnē

16 d durchgestrichen / Korrektur

vnd beſtreiten vnd als Sant v̊lrich mit dem volck Jn groſzen forchten warend vnd der vnger ſo vil waren das ſij nit mit Jn mochten vechten vnd dorſten von ſtund an kam Berthtold her arnolfs von Reiſenſpergs ſun vnd ſaget dem künig von vngern wie das kaijſer Ott Jm zů beſtreyten kem Als bald das der künig hort lieſz er Jn ſeinē hoͤr auf trumeten vnd buſaunē Da ſöllichs die fechter die an der ſtat Augſpurg ſtürmen vn̄ nöten waren horten zů hand zochen ſij ab vn̄ wolten hören was In der künig pieten wolt Alſo beraijtet ſich der vngriſch künig mit ſei = nem volck zů ſtreijten vnd zoch dem kaijſer Ot = ten engegen Als nun der kaijſer kam Da be = raijtet ſich In der ſtat Augſpurg Graff Die = poldus Sant v̊lrichs průder mit Reginwal = do ſant v̊lrichs ſchwester ſun vnd mit vil andern̄ ritern̄ vnd knechten vnd zoch des nachtes haimlich auſz dem kaijſer zů hilff vnd als nun der kaijſer das groſz volck der vn = gern̄ ſach verſtůnt er wol das ſöllichs groſz volck von Jm vnd von den ſeinē nit mocht gedöt werden es wer dann das ſi got beſun = derlich plagen wolt Alſo hett der kajiſer mit

mit andern̄ ſeinē fürſten vnd herren die beij Jm warend gůt hoffnūg Jn got vnd fieng mit den vngern̄ an fechten vnd als nun von baijden taijlen vil erſchlagen wurden Beſun = derlich von den Criſten die dan̄ von got Alſo geordnet wurden vnd der vnger vil tauſent erſchlagen vnd ſiglos fluchtig wurden vnd zohen flüchticlich fur die ſtat Augſpurg Dannocht als ain groſz volck Das die menig ſo Jn der ſtat warend erſchracken vnd vermain = ten die vngern̄ werend obgelegen vnd chemen widervmb die ſtat zů belegen als lang bis ſij fur die ſtat kamen vnd an dem lech vnd lech = feld auf fluchen da volget den vngern des kaij = ſers volck nach vnd erſchlůgen ſi an der flucht Als lang bis ſi Jren furſten mit vil andern leben = tigen viengen vnd gen Regenſpurg fůrten Da ſelb Jn allen zeſchanden hanckten des kaijſers der vngern̄ furſten vnd herren vil an den gal = gen Der kaijſer beſtellet auch von ſtund an das all das ¹⁷ prügg vber lech tonaw vnd allen = thalb da beij mit Jren fürten verhůt vnd ver = ſchlagen wurden Alſo das kaine² vngern̄ noch der Jren lebentig da haim mochten komen Als nun der ſtreit verpracht _{// ward //} ¹⁸ kam kaijſer Ott

17 durchgestrichen / Korrektur

18 ward unterhalb der Zeile ergänzt

zu Sant v̊lrich Jn die ſtat Augſpurg vnd tröſtet Sant v̊lrich vmb ſeinen bruder die = paldum vnd vmb ander ſein geſipt fraind So Jn dem ſtreijt Als Jm vormals Auch ſant Afra geſagt het erſchlagen waren worden vn̄ der kaijser lech dem Grafen Regmino ſeins er = ſchlagen vaters diepold grafſchaft Als nun der kaijſer von ſant v̊lrich zoch ſůchet ſant v̊lrich vnder den erſchlagen Diepoldum vn̄ ſeiner ſchwester ſun Reginwaldum vnd fůrt ſij gen Augſpurg vnd begrůb ſij Jn vnſer frawē kirchen peij ſant walpurgen altar ⸫

Das Achtzehet Capitel ſagt wie ſant v̊lrich vil gůts volpracht ⸫

D ar nach was Sant v̊lrich emſiclich be trachten wie das er die pfaffen vnd prie = ſter die verdröbt waren vnd nit zeleben heten möchthin pringen da mit gotzdienſt verpracht vnd nit gemindert ward vnd alles des er het vnd haben mocht vnd Jm auch von frumen leüten geſant oder geben Das taijlet er alles gutlich mit Jnen nach allem ſeinem ver mügen vnd nit allein mit den prieſtern̄ Auch allen den die dem geſtift zu gehortē die verdörpt vnd verprant wurden vnd

des begerten vnd half vnd riet als lang bis das ijederman zepaw vnd narūg wider komen mocht Wie auch Sant vlrich mit andern criſten wider die vngern̄ vnd vnge = laubigen gefochten vnd geſtriten hab vnd land vnd leut pis gen Regenſpurg vnd petro = nell mit ſtreiten vnd prünſten erſtört hab findt man In andern̄ gelaubigē Cronickē ⸫

Das xviiij Capitel wie Sant Affra Sant v̊lrich erſchin ⸫

U nd als auch von den haijden Sant Affra kirch gentzlich verprant was vnd al = lain der altar ain ſchindlin tach vieng Sant v̊lrich an zebetrachten wie das er den altar bas lieſz bedecken vnd ains mals oder nachtes Da ſant v̊lrich ſchlieff Erſchin Im ſant Affra vnd zaigt Im ir grab vnd verbot Sant v̊lrich das er kripp noch Da ſelbs machet wan̄ vil ander ſälig menſchen da beij legen die das Iungſten tags alſo wolten warten Da die erſcheinūg alſo beſchach fieng Sant v̊l = rich Sant Afran kirchen an ze maurē vnd vnd allenthalben köſtlicher an dan̄ ſi vor was geweſen mit ſchöner zier ze machen vn̄ gentzlich verpringen etc

Das xx Capitel von ainem gertner · etc ∞

U nd da ſant Afra grab vnd die ſtat v̈ber al da beij ſant v̊lrich kain grunfft von der heijligen wegen da ſelbs ruent dorſt machen Nun Jſt zewiſſen das ain gertner nachent da peij der ſelben ſtat mit namen Adepoldus hett ain garten vnd ains tags fand er ain hüpſche gemaurte grunft Jn dem garten vnd kam zu Sant v̊lrich vnd patt In Das er Jm erlaubt das er In die ſel = ben grunft ſein graſz vnd kraut vnd ander ſein hauſzgeraͤt möcht legen Sant v̊lrich verpot dem gertner ſölichs zeton beſchech aber das ſo wurd er ſeiner ſinn vnd geſunt = haijt ſeiner gelider verlieſen Der gertner was ſant v̊lrich nit gehorſam vnd vbergieng die gepot vnd verloſz ſein geſunthaijt vn̄ ſinn vnd als ſant v̊lrich dem gertner ſein geſunt = haijt von got erwarb mocht dannocht die grunft dar nach nimer mer geſehen werdē Dar nach lieſz Sant v̊lrich Sant Sim = pertus grab auch machen zieren vnd döcken Dar nach auſzerhalb der kirchen maur vnd Sant Affran kor an dem ort gegen dem nidergang der ſunnē lieſz Sant

V̊lrich Im ſelbs ain grunft machen vnd In wendig die grunft mauren vnd auſzwendig mit ainem bogen ander kirchenmaur mauren vnd lieſz dar Jnn ain gemauretz grab machen vnd dar v̈be²l ¹⁹ ain groſz dick tauel von holtz machen Dar nach als die kirch vnd alles das vorgeſchriben Jſt verpracht ward hett Sant v̊lrich all wochen am freijtag zů Sant Affra meſz etc Das xxj Capitel · etc ∞

A ls nun frid vnd ſon Jn dem land ward zoch Sant v̊lrich zu Sant peter vnd paul gen Rom vnd pracht dauon Im Sant habū = dij des heiligen martrers haubt Jn vnſer frawen kirchen vnd lieſz koſtlich faſſen vnd Jſt dar nach geben worden dem geſtifft heẅbach · S ant v̊lrich hett groſz ge = // Das xxij Capitel / nad vnd gewonhaijt die heijligen ſtet haim ſůchen vnd beſunderlich Sant Gallē cloſter da er erzogen was vnd ains mals als er zů Sant Gallen was zoch er In ſant menrats zell Das er da ſelbs den heijligē vnd frumē brůder Eberharten vnd ander ſein pruder auch wolt ſehen vnd als ſij In gepet vnd ſüſzen geſprech beij ain ander warent geweſen vnd vrlaub von ain ande²

19 l durchgestrichen und durch r-Haken korrigiert

namen fieng bruder Eberhart groſſ zeher zewainen vnd Sant v̊lrich wainē ²⁰ küſſen vnd ſprach Jn diſer zeijt ſehen wir nit mer ain ander Sant v̊lrich ſprach wirdiger waijſt du den̄ das pald ſterben ſol Bruder Eberhart antwurt du wirſt nit bald ſterben Aber das Jch ſag das Jſt war Dar nach als Sant v̊lrich des andern Jars wider da hin kam da was der ſelig pruder Ebe²hart geſtorben ⸫

A ls nun Sant v̊lrich // Das xxiij Capitl etc / Jn frid vnd rů ſaſz als vil er mocht vor weltlichen ſachen begund er allzeijt Emſiclich vnd fleijſziclich dienen teglich ſang vnd laſz er ſein tagzeijt mit andern̄ prieſtern̄ Jn vnſer frawen kor Dar zu laſz er teglich Curſz In der eren vnſer lieben frawen vnd ain Curſz von dem haijligen crütz vnd den triten von allen gotz heijligen vnd ander vil pſalm vn̄ auch täglich den gantzen pſalter Er ſang auch vnd laſz teglich dreij meſz oder zwu vnd an minſten aine Jn Jrret den̄ kranckheijt des leibs oder ander notdurftig gůt ſach Auch vil zeijt aſz er nit flaiſch aber ſeinē die = nern̄ vnd die beij Im waren gab er flaiſch vnd anders genůg die erſt richt ſo Im für

20 durchgestrichen / Korrektur

geſetzt ward von prot vnd andern̄ guten koſtē hieſz er armen leüten geben Er ſetzet auch vnd ſpeiſet teglich vil armer leüt vnd lieſz kain arms menſch hungrig noch durſtig von Im gan Es beſchäch dann durch der diener verſamnuſz vnd trackhaijt ſein geſt enpfieng er lieplich vnd mit frölichem antlitz Des kaijſers die = ner vnd des reichs vndertan ſo die zů Jm oder von Im wurden ſij allweg wol enpfangen vnd gab In genug vnd gab In auch oft gelt zu ainer zerung DIe pfaffen vnd münch auch cloſterfrawen wa die ſant v̊lrich haim = ſuchen̄ wurden ſi lieplich enpfangen vnd ſpeijſt ſi gaijſtlich oder leiplich Die kind ode² pfaffen die auſz ſeinē g ²¹ biſtum geporen warē edel oder vnedel die erzoch Sant v̊lrich vnd lieſz ſi lernen vnd nach dem vnd ijeglicher wirdig ward gefunden dar nach verſach er Jn mit pfrönden all laijen die vnder ſeiner herrſchaft ſaſſen waren frölich vnd wonetē mit allen eren wan̄ ſij weſten wol das er In kain v̈bel tet Das er In auch keins lieſz tůn wan̄ alweg ſo ſich ainer der vnder Im ſaſz clagt das Jm vnrecht beſchach von ſeinē öbren oder nächſten von ſtund an lieſz er nit dauon bis

21 durchgestrichen / Korrektur

das v̈bel gerochen ward Er lieſz auch vnſer frawen vnd Ir geſtift nichtz nemen auch Jr noch kainen der Jren freihaijt vn̄ herlich = kaijt abziehen Er wolt auch das chainer ſeiner amptman mer den̄ rechten zins nemē ſolt Er was auch vnd gieng nijmer nit mijeſ = ſig Es wer dann er betrachtet an der kirchen paw oder ordnet vnd zier der kirchen vnd altar zemachen oder aber wie er ſein korher = ren vnd pfaffen züg vnd ordenlich vor wer vnd wie die Clericken vnd ſchůler gelert wur = den Er het auch vber sein nackeden leib all = weg ain wülln tůch vnd nach Complet zeit aſz vnd tranck er nichtz Sant v̊lrich ſchlieff auch vnd růet Jn kainē pet noch auff federn ſunder auf ainen tepich vnd als pald es ains In der nacht ſchlůg So ſtůnd er auf vnd petet fleijſziclich die vorgeſchriben dreij Curs Dar nach laſz er metin Nach der mettin ſo petet er ander pet vnd pſalm vnd den gantz = en pſalter vnd letanij der heijligen Dar nach ſo es tag ward vnd ſein bet verpracht het wan̄ man zů der vigilg leütet ſo laſz er mit den andern̄ Jn dem kor vigilij vnd preim So die preim auſz was vnd die prieſter vnd

pruder Jn der faſten beſunderlich mit dem Creütz vmb die kirchen vnd kirchfeld gie = ngen So belib Sant v̊lrich In der kirchē vnd petet die weil bis ſij wider chomen vnd wan man mit dem creütz wider kam vn̄ meſz an vieng zeſingen So opfert Sant v̊lrich mit dem prieſter der meſz ſang vnd diemüticlich kuſt er des prieſters hand Nach der meſz laſz er mit den prieſtern̄ Tertz Nach der tertz ſo die korherren vnd ander Jn das Capitel giengen belaijb er In der kirchē bis das man ſext leutet So er dan̄ die ſext mit den prüdern̄ laſz So gieng er vmb die altar vnd růft vmb ablas zů got vnd ſprach den pſalm miserere mei de₉ scdm̄ herr er = parm dich v̈ber mich nach deiner groſſen parmhertzikaijt Dar nach gieng Sant v̊lrich Jn ſein bethaus vnd wůſch ſein hend vnd antlütz vnd beraijtet ſich zů der meſz zů ſingen vnd ſo die meſz vnd veſper ver = pracht wurden ſo gieng er In der armen herberg Da waren zwelf den zwůg er Ir füſz vnd gab Ir ijeglichem ainē pfen̄īg vnd gieng dar nach zům tiſch Da ward zů tiſch geleſen got gelopt vond vil armer

Leüt da beij er ſaſz froͤlich vnd taijlet vnd gab ijederman das In bedaucht das er gern̄ nem Alſ nun ijederman frölich geeſſen hett kam er Jn den kor vnd ſang Complet Dar nach gieng er Jn ſein petkamer vnd pet = et vnd tranck vnd aſſz dar nach nit mer vnd re = det auch nichtz Alſo lebt Sant v̊lrich täglich In der faſten bis an den palmtag da gieng er am morgen frů zů Sant Affran was er anders an dem aubent nit dar gangen vnd ſang frů ains ²² meſz von der heijligen Triualtikaijt Dar nach segnot er die pal = men Dar nach war ain koſtlich proceſ = ſion von pfaffen vnd laijen gehept mit creützen vnd fanen vnd den heijligen ewangel vor an pildnuſz vnſers herren auf ainem eſel ſitzend vnd ijederman palm Jn henden tragend vnd gieng die proceſſi = on von ſant Affran bis auf den perlach So chomen der proceſſion engegen die korherren vnd pfaffen von vnser frawē vnd mit Inen die purger von der ſtatt Die Jn der ſtat beliben vnd nit beij ſant vlrich warend vnd beij Jn vil ander leüt von den dörffern vnd weilern̄ zů dem

22 durchgestrichen / Korrektur

feſt komē warē Da ſelbs ward Lobgeſang volpracht die palmē geworfen vnd die claider geſträt nach des feſts gewonhaijt Dar nach tet ſant vlrich ain predig dem volck von dem leijden vnſers herren Jhū xpī Alſo das er gewonlich ijederman mach = et wainen Dar nach giengē ſij gen vnſe² frawen vnd verpracht Sant vlrich ampt der meſz Dar nach gieng ijederman haim Die ander dreij tag nach dem palmtag het ſant vlrich mit ſeiner prieſterſchafft ainen ſend rat oder concilij das döt er vm̄ ſöllichs das er deſte² wirdiger mit der prieſte² = ſchafft aller mocht am donrſtag den Criſem ſegnen etc Das xxiiij Capitel wie Sant v̊lrich den Criſem ſegnet ⸫

A M dornſtag ſo er den Criſem mit ſeiner prieſterſchaft mit hocher er vnd zier geſegnot het vnd da die veſper verpracht was So gieng Sant vlrich In den ſegrer vnd taijlet da auſz den Cri = ſem Dar nach vor dem ſegrer claijdet er mit newem gewand zwölff arm mēſchē lieſz Sant vlrich des ſelben tags nit an gabt von Im gan Dar nach alſs ſich

Sant vlrich ſelbs vnd ijedermā ſo peij Im warend geſpeijſt het So fieng er an ſeinen Iungern vnd vndertan die füſſ zu weſchen vnd lieſz dar zwiſchē ſingē vnd leſen Dar nach lieſz Sant vlrich die böſtn̄ tranck ſo er In ſeinē kelern̄ het mit lieb vnd diemuticlich genugſamlich geben Dar nach ſo die Complet volpracht was So gab Sant v̊lrich ſein müde gelider vnd ſich ſelbs zu ru · Das xxv Capitel ſagt wie ſant v̊lrich den karfreijtag verpracht ⸫

D Ar nach an dem karfreijtag vnde² an = dern̄ peten laſz Sant vlrich zwien gantz pſalter vnd ſo der gotzdienſt vnd die veſper des ſelben tags verpracht was So gieng v̊lrich In ſein ſchlaffkamer vn̄ aſz des ſelben tags nit mer denn waſſer vnd prot vnd tranck pier vnd des geleichē hieſz er den ſelben tag allen den ſeinē prot vnd pier genůg geben · Das xxvj Capitel ·

D Ar nach an dem heijligen Oſtertag So ſant vlrich Curſz pſalter vn̄ and² ſein gepet volpracht het So gieng er fru gen pad am ſamſtag ²³ vnd gieng Sant v̊lrich nur dreij mal gen bad Am ſamſtag

23 durchgestrichen / Korrektur

vor der faſten vnd zu der miterfaſten vnd an dem oſteraubent Nach dem bad ſegnot Sant v̊lrich das feẅr vnd den heijligen tauff In ſant Iohans kirchen vnd tauft als pald dreẅ kind da ſelbs Dar nach ver = pracht er das ampt mit weijchūg der prieſter mit allen erē Nach dem allem lieſz Sant v̊lrich die tiſch beraijten vnd ſaſz des ſelben tags mit vil volcks zu tiſch vnd gab ijederman genůg vnd lieſz ijede² = man haijm gan mit frewden · Das xxvij Capitel wie er an dem Oſtertag getan hab ⸫

D Ar nach an dem heijligen Oſtertag So es ains ſchlůg So gieng Sant v̊lrich Jn Sant Auguſteins kirchen wan̄ da ſelbs het er am karfreitag vnſern̄ hin gelegt vnd nam mit Jm wienig prieſte² vnd pfaffen vnd ſang ain meſz von der heijligen Triualtikaijt dar nach des tag Als ſich die gantz prieſterſchaft het geſamnet So gieng Sant v̊lrich mit groſſer per vnd koſtlichhaijt mit ꝓceſſion Jn ſant Johanns kirchen vnd ſang da ſelbs die tritten meſſ vnd als der gotzdienſt des ſelben feſt volpracht was ſo gieng Sant

vlrich haim daſelbs waren beſunderlich dreij koſtlich tiſch beraijt Ainer Jm ſelbs vnd die er beij Im wolt haben der ander tiſch vnſer frawen pfaffhaijt Der trit Sant Afra ſamnūg vnd als das lemplin tranck ſpeck vnd anders Nach gewonhaijt des tags geſegnot vnd von ijederman geno = men ward Dar nach fieng ijedermā an mit freẅden eſſen vnd trincken Dar nach kamē vil spilleẅt trumeter pfeijffer vnd ander ſpilleẅt Jn groſzer manig vn̄ trumeten vnd pfiffen treijmal nach ain ander Nach dem als pald ſo ſungē die kor = herren ain Reſponſorj vnd geſang vnd vō nach ²⁴ der heijligē vrſtend vnſers herren vnd ward das tranck ijederman geben Des geleijchen teten auch von ſant Affra ſam = nūg Nach dem ſo pat Sant v̊lrich das all pfaffhaijt von ijederman mit ain ander von der vrſtend ſūgen vnd gab ijederman dar nach frölich zu trincken Dar nach beraijt ſich ijederman zu der veſper Nach der veſper giengē all ſant v̊l = richs geſt vnd knecht mit Jm frölichē haijm Dar nach am Oſtertag het ſant

24 durchgestrichen / Korrektur

Vlrich gewonhait zů Sant Affra meſſ ſingē da kamē all pfaffhaijt vnd fijrmet des ſel = ben tags auch kind daſelbs Dar nach kam Sant v̊lrich wider In die ſtat vnd belaijb die Oſterlichen wuchen Jn der ſtat Augſpurg ·∞

Das xxviij Capitel wie Sant v̊lrich ſein ſtet vnd ſchlöſſer haimſůchet ⸫

N Ach dem Oſterlichē feſt ſo es notdurf = tig was an der ſtift ſtet oder ſchleſſer oder Clöſter die zů dem Biſtum gehoretē beſunderlich der ſtet aine oder me feicht = wang ſtaffelſe fuͤſſen ſteig heijbach Dillīg Der ſelben ſechs ſtet verſetzet ſant vlrich miner nit Derworten das er deſter bas mit koſt vnd zerūg beij den ſelben ſteten ande² des geſtifts ſach auſz möcht richten Da ſetzt ſich Sant v̊lrich Jn ain hangenden offen wagen vnd zu Jm ain Caplan der mit Jm ſtäticlich betet das döt ſant v̊l = rich nit dar vmb das er nit reiten mocht Sunder vmb ſöllichs ſeines volcks vnnütz = lich red abgeſchaijden wär Sant vlrich het auch allweg Etlich gelert vnd weijſz prieſter vnd auch ander Caplan So vil das er taglich gotzdienſt erlich vnd zierlich

möcht verpringē Er hett auch ſtäticlich auſz des ſtifts man̄ weijſzleẅt beij Im Alſo das er gaijſtlich vnd weltlich zů vallent ſach möcht auſzrichtē Er het auch laffend knecht die ſeinē wagen zu baijden ſeijten behůtend Den ſelben lieſz er täglich von eſ = ſen vnd trincken triuältig pfründ geben Allweg volget Sant v̊lrich nach ain groſz ſchar armer menſchen ains taijls ains taijls auff wegen oder ſchliten Da man Biſchofflich gewand vnd zier vnd ſo zů gottes dienſt gehört auf fuͤret Den ſelbē armen ſchůff Sant v̊lrich herberg vnd an = der pflegnuſz genůg geben vnd wa Sant v̊lrich ain raijt oder fůr ward er ſunderlich von ſeinē vndertan gaijſtlich vnd welt = lich loblich vnd frölich mit proceſſion ewā = gelij haijltū geleůt vnd andern all <..>em ²⁵ vermuͤgē enpfangē etc Das xxiiij Capitel wie Sant v̊lrich ſein geſtift hab visiteͥrt ²⁶ vnd geſtraft

Jtem an den ſtetten da er Concilia hin hett gelegt nach ſeiner ertzprieſter dechant vn̄ gelerten raͧt an den ſelben enden als pald er die meſz volpracht het berůft er die weiſoſtē

25 zum Teil unleserlich gemeint ist wohl Jrem

26 kleines i über e ergänzt

Vnd frümſten der ſelben pfarrer zů Jm vnd lieſz ſij auf Ir aijd forſzen ob etwas etwas auſz Ir ſag erfundē möcht werdē an der pfarr oder volck der pfarr das ſtrafflich vnd zů verendern̄ wär vnd was er ſtraffperlichs an perſon vnd gemainē volck fand von ſtund an nach der ſeinē nach aller not = durft wider ſtuͤnd vnd ſtraffet er das v̈bel vnd lieſz nit dar uon bis er all ſach genůg = ſam recht ordnet vnd machet vnd vnder = ſtünd von Jrrūg vnd ſpen wegen ſeiner vndertan mocht er ſij von der manig we = gen des tags nit auſzgerichtē Alſo das er ſich ſöllichs beij nacht zetůn Auch nit lieſz verdrieſſen vnd wöllich ſach Sant v̊lrich vnrechticlich eintreg ſelbs on ſein rät on ſein rät möcht auſzrichten Das tet er fleijſzi = clich vnd lieſz nit ab als lang bis er ijeder = man von aller ijrrūg gaijſtlich vnd wel = tlich genug vnderweijſt het nach dem dem vnd ſöllichs nachgeſchriben beſchäch So gieng Sant v̊lrich nit eer zů eſſen Bis das von dem pfaffen demn ²⁷ er vber das Almůſen geſetzt het Den armē das almuſē geben ward vnd die mit Jm vnd zů Jm

27 m durch Streichen eines Schaffts zu n korrigiert

komē waren die hies Sant v̊lrich Jn ſeiner gegent wirdiclich zů tiſch ſitzē Vnd Jn allen nach notdurft mit eſſen vnd trincken vnd allen andern̄ pflegē · Das xxx Capitel wie Sant v̊lrich ſein prieſterſchaft viſitiert ⸫

D Ie ertzprieſter dechant vnd die wir digoſten So Sant v̊lrich vermaint zů haben So er Concilia het forchet er wie teglicher gotzdienſt von Jnen vn den andern̄ verpracht vnd wie Jr vndertan von Jnen regiert mit predigē vnd anderlaij vnd mit was fleijſz vnd ſo²gen ſi die kind tauften vnd krancken haimſůchtē vnd ſi mit der heijligen oͤlund v̊ſachen vn̄ wie die totten begraben wurdē Auch wie von zehenden vnd gröſt getröſt wurdē ²⁸ ander orpfer die armē vnd kranckē getröſt wurden vnd ob ſij witiben vnd waijſen ze hilf kemen In allen Iren notdurften wie ſij auch In den geſten vnd frembdē got dienten Ob ſij auch mit hundē vnd mit vogeln̄ Ir waijdwerck triben Ob ſij auch nit In offen tafernen trincken vn̄ eſſen giengen vnd böſz läſterlich ſchimpf

28 durchgestrichen / Korrektur

heten Da ſelbs vol vnd truncken wurdē Ob ſi auch nit zengkiſch vnd hedriſch neijdig vnd heſſig weren Ob ſij auch nit weltlich hochzeijt haijmſůchtent ſöllich² vnd ſtuck forſchet er ²⁹ vil Sant v̊lrich Nach dem vnd Sant v̊lrich genant wurd vnd er der rechten warhaijt vnder weijſt ward alles das götlich recht vnd gůt was Das ſelbig lobet Sant v̊lrich vnd ermanet die vndertan wider ſöllichs nit zekomē was aber v̈bel getan h ³⁰ was die das ſelb getan hetē Die ſtraffet er vnd verpott ſöllich hin füro nijm² Das xxxj Capitel Sagt wie er ſein vn = // ze tůn ⸫ / tan gelert hab etc

D Ar nach döt Sant v̊lrich ain gemain ſelig manūg zů allen ſein vnd²tan Am erſten das ain ijeglicher auſz² In allē ſeinē krefften got lieb hett ſein nächſtē als ſich ſelbs vater vnd můter all ander Criſtē eren vnd allen böſen wercken widerſtrebē Die kirchen emſiclichē vnd fleijsziclichē mit andacht vnd diemütigē hertzē haim = ſůchten Da ſelbs beten vnd zeher opfern̄ fuͤr all Ir ſuͤnd got vmb beijſtendickaijt all Jr notdurfft vnd ablaſz der ſünd Jr veind er =

29 durchgestrichen / Korrektur

30 durchgestrichen / Korrektur

werben Das ſi auch von aller Jr arbaijt ze = hend gebend das ſij nit mit dem Chaijn verdampt wurden Das ſij auch alſuntag vnd ander hochzeijtlich tag von aller leijp = lich² arbaijt vnd böſer werck feijrten Dz ſi auch Vnſers herren Jhū xpī leijchnā mit vorrainigūg aller Jr ſünd wirdiclich en = pfiengē Vnd dar nach vor ſündē hůtē Die haijligen faſten vnd ande² gepoten fäſtenlich tag ermanet er wirdiclich zehalten Er ma = net auch Sant vlrich vnd gab ler auch ſeinē volck wie ſij beleijben ſolten Jn gottes er Vnd lob vnd bot auch die ſechs werck der parmhertzikaijt verpringē vnd all ande² ſund vermeijden zů ſtuck von ſtuck mit lang² ler vnd predigot als ſein leben vnd leſen Jn helt ⸫ Das xxxij Capitel ſagt wie ·S· v̊lrich kirchē vnd altar weijchen vnd ſtiften erlaubt vnd weijcht ⸫

E In ijeglich frum menſch oder ain gātz gemain So ſij ain kirchē pawē woltē ward das von ſant v̊lrich erlaubt vn̄ wenn Sant v̊lrich ermant ward zů rechte² weijl vnd zeijt die ſelben kirchē zů weijchē So was er willig So ſerr das er vor die ſtifter

der kirchē auſz Jren eren mit gůtē willen ³¹ des ſelben genůgſamlich begabetē von der weijch nam er nichtz es wer dann̄ das die ſtifte² der kirchē auſz Iren eren mit gůtē wil = len etwas geben wölten etc Das xxxiij Capitel ⸫ ſagt wie Sant v̊lrich Im algaw ain kirchē weijcht etc

E Ins tags da Sant v̊lrich von ampts we = gen Jn das algaw wolt komē fuͤgt ſich etlich auſz dem algaw ſein vndertan vnd clagtē wie ſij vnd Jr elter ain kirchē lengſt hetten gepawē Aber von Jr armůt vnd bös wegs wegē hetten ſij kain biſchoff mügen haben Ir kirchē zů weijchē Sant v̊lrich antwurt mügt Jr haben das zů der weijch notdurftig iſt die vndertan antwurtē Ja Da ſprach Sant v̊lrich zů Jnen So gangt haijm vnd beraijtēt all notdurft zů vn̄ ſchickt mit ain furer zů ſo will Jch morgē komē vnd ewr kirchē weijchē Als die kirch ge weijcht ward da wolten die vndertan Sant v̊lrich begaben Sant v̊lrich bega = ben Sant v̊lrich wolt aber nichtz nemē vnd hieſz ſöllichs Ir notdurft vnd gotzdienſt behalten ⸫ Das xxxiiij Capitel wie Sant v̊lrich vil haijltū gen Auſpurg pracht ⸫

31 durchgestrichen / Korrektur

E Ins mals zoch Sant vlrich gen purganij vnd an die ſtat da Sant Mauritz vnd ſein geſellschaft vmb den na = men gotz die marter het geliten Vnd er = warb Sant v̊lrich vmb den herren da ſelbs der ſelbigē marter ain zenemē vnd als Sant v̊lrich kam an die ſtat der marter Da was das ſelbig Cloſter vnd ſtat von Sarracenern̄ vnd vngelaẅbigē auſz pränt vnd als Sant v̊lrich da ſelbs Jn ainē clainē kirch = lin meſz vnd gottes dienſt verpracht fůg = ten Jm zů Jm zwelf pfaffen vnd begabet ſij Vnd als Sant v̊lrich Jn zů wiſſen tet war vmb er da hin wer komen Da prachten die prieſter auf die pehaltnuſz der heijligē vnd gaben Sant v̊lrich vil haijltumbs Mit dem ſelben haijltū zoch Sant v̊lrich gen Coſtentz Dar nach In das Cloſter Jn der aẅ genant Der ſelbig Abt gab Sant v̊l = rich ain groſzen taijl von dem leijchnam Sant Mauricij vnd vil ander heijltum Da Sant v̊lrich gen Augſpurg Nachnet ſchickt er boten vor an vnd lieſz pieten dz all pfaffen vnd laijen mit proceſzion vnd loblichhaijt das wirdig haijltum enpfiengē

Das ſelbig haijltum trůg Sant v̊lrich In vnſer frawē kirchē vnd beſchloſz das Jn ain ſarch von ſilber vnd gold gemacht mit ſöl = lichem vnd anderm andacht ³² Sant v̊lrich täglich wie er ſein geſtift an eren vnd zier auch möcht machē vnd erhöhen etc

Das xxxv Capitel ſagt wie Sant v̊lrich die mē = ſchen des böſen ſiechtumbs geſund macht vnd

A ls Sant v̊lrich von got mä = // ande² ſiechtū / niguältichch Jn wirdikaijt begabt was da mit er ſeinē geſtift vnd vndertan nützlich vor möcht ſein het Sant v̊lrich vnder andern̄ gaben von got die genad dz er allen den die Sant vallatein oder den vallendē ſichtū hetten zů hilf kam vnd geſund macht Wer aber den ſelben ſiech = tum het vnd offenbarlich begert von Sant v̊lrich geſund werden den taijlet er ſöllich genad nit mit vnd auſz diemütikaijt ſprach Sant v̊lrich dem mēſchē Jch bin nit wirdig von ſollichē kranckhaijt dich erledigē Söl = lichs gehört zů got wer aber des haijm = lichen begert den machet er geſund etc Das xxxvj Capitel wie das haijlig öl von Sant vlrich ward vil kranck plind vnd ande² vnd auch Jn ſelber geſund macht etc ∞

Das hewlig ³³

32 durchgestrichen / Korrektur

33 Reklamant

D As haijlig oͤl das Sant v̊lrich An dē grienen donrſtag geſegnot pracht er den krancken menſchen groſz gnad beſun = derlich den als obgeſchriben ſtat Auch den die bös augē oder gar plind warē wurden von ſöllichem heijligē öl geſund gemacht vn̄ ains mals als Sant v̊lrich Jn Sant Gal = len cloſte² was geweſen Vnd als er auch an pfingſtag Aubent In das Closter gen kem = pten kam ward Sant v̊lrich als kranck ³⁴ das er weder eſſen noch trincken mocht von ſtund an hijeſz Sant v̊lrich das öl pringē das er ſelbs geſegnot het Als pald das pracht ward Vnd die prüder des ſelben Cloſters vnd ander Sant v̊lrichs pfaffen Sant v̊lrichen das Sacramēt der haijligē ölung gabend vn̄ Vnd die průder vnd pfaffen mit ande² Sant v̊lrichs volk ³⁵ volck zů tiſch ſaſſen von ſtund an kam ain pot von Sant v̊lrich zů In vnd ſprach Sant v̊lrich der In acht tagē nichtz genoſſen hat er hat ſich peſſert vnd nijmpt ijetz die ſpeijſz Da ward ijederman frölich vnd lopten got Alſo das ſant V̊lrich des ſelben nachtz zů veſper mit den prüdern̄ gieng vnd des andern̄ tags gar geſund ward etc

34 großer roter Tintenfleck verdeckt a zum Teil

35 durchgestrichen / Korrektur

Das xxxvij Capitel wie ſant V̊lrich v̈ber die = E Ins tags ſolt Sant v̊lrich // mijndel raijt / vber das waſſer genant die Mindel reijten das was auf der ſelben zeijt von der güſz wegen faſt groſz vnd daǀSant v̊lrichs diener allenthalb kain furt mochten finden da raijt Sant v̊lrich gerichts vber das waſzer alſo das nichtz an ijm weder claijder noch ſock an den füſſen wann es was kalt vnd winters zeijt was nit genetzet ward Sant v̊lrichs Caplan mit namen hermü = güs Der ſaſz auf ainē höhern̄ pferd dan̄ Sant V̊lrich vnd volget ſeinē herren nach der ward naſz bis zů ſeiner gürtel Das zaijchen verpott Sant v̊lrich ſeinē Caplan nijemant zů ſagē die weijl er lebt etc Das xxxviij Capitel wie er aus der Tonaw fůr etc

E Ins tags da kai ³⁶ Sant vlrich zů kaijſer Otten gen Regenſpurg wolt auf der Ton = aw faren von vnfurſichtikaijt der ſchiffleẅt wegen ſtieſſ ſich das ſchiff an vnd prach vnd ward vol waſſers da erſchracken all die Jn dem ſcheff warend vnd eijlten bald zů den ſtaten vnd trů = gen alles auſz dem ſchiff das dar Jnn ward vnd vergaſſend Sant v̊lrichs zů hinderſt In dem ſchiff Am leſten fieng ain pfaff an mit namē

36 durchgestrichen / Korrektur

meſij Vnd ſprach we vns allen das wir vnſers alten herren In ſöllichen nöten vergeſſen haben Vnd ſtund lieff der ſelbig pfaff durch das waſſer Jn das ſchiff vnd nam Sant v̊lrich der hinden Jn dem ſcheff allain an ſeinē pet ſaſz auf ſein ſchultern̄ er Sant vlrich nam vnd trůg In an das geſtat Als pald Sant v̊lrich auſz dem ſcheff kam da gieng das ſcheff vnder das waſſer das da vor geladen mit leẅten vnd mit gůt nit gantzlich mocht vndergan etc Das xxxix Capitl · wie Sant Vlrich v̊ber das waſſer tar raijt etc

E Iins mals da Sant v̊lrich aber gen Rom wolt ziehen vnd zů dem waſſer tarr ge = nant kam Da was das das ſelbig als groſſ gewachſen das nijemāt weder zeroſſz noch ze fůſſ dar vber mocht chomē Sant v̊lrich beraijt ſich meſz an der ſtat zů leſen vnd nach de² meſz raijt Sant v̊lrich vnd die ſein on all ſorg vnd mů vber das waſſer etc Das xl Capitl wie Sânt V̊lrich Sant Steffans cloſter ſtiftet vnd paẅ = et vnd ain wunder zaijchen von ainer frawē =

D Ar nach bedacht Sant vlri = // des ſelbē Cloſters / ch wie er got zelob Jn Sant Steffans kir = chen auſzerhalb der ſtat Augſpurg gelegē mit gaijſtlichen frawen ain Cloſte² möch ſtiftē die

got von ferr Vnd abſchidūg an der menſchen deſte² rulicher dienē mochten Jn dem ſelben Cloſter was ains tags ain fraw ein genomē Vnd wie wol die ſelbig fraw nit gelert was So was ſij doch In zeijtlichē ains auſzrichtigs weijb vnd als die äptiſſin vnd ander frawen die ſelbigē frawē zů aine² kel = lerin erwölten wolt ſij nit gehorſam ſein Da ſöllichs Sant v̊lrich geſagt ward bot er der fraw = en das ſij kellerin ſolt ſein das verachtet ſij auch Vnd an der andern̄ nacht höret die ſelb fraw In dem ſchlauff ain ſtijm die ſprach Du biſt dem Biſchoff nit gehorſam geweſen Dar vmb wir = ſtu an den füſſen als lang lam ſein Bis du von Im genad empfachſt Dar nach als pald ward die fraw lam Als lang bis Sant v̊lrich wider gen Augſpurg kam Da erpat die lam fraw das man ſij zů Sant v̊lrich In vnſer frawē trůg Da růft ſij Sant V̊lrich vmb hilff vnd genad vnd als Sant v̊lrich die frawē von der vngehor = ſamkaijt wegen ſtraffet vnd ſich von Jr keret ee Sant v̊lrich die kirchen durch gangē was für lieff Si Sant v̊lrich geſund vnd fiel Im zefůſſē Vnd ſaget got vnd Im danck vnd verſprach hinfüro nijmer vngehorſam zeſein etc Das xlj Cȃᵖ wie Sant v̊lrich Sant Johans kirchē = // geſtift het /

D Ar nach auff vnſer frawe kirchoff zů Augſpurg In creützweijſz fieng Sant v̊lrich anzepawen ain kirchen vnd ſetzet fuͤnff altar dar ein vnd ein auſzgehawen taufſtein vn̄ begabt die kirchen mit ainē prieſter vnd genůg = ſamer gült vnd pot das vnſer frawē pfaffhaijt all ſamſtag vnd groſſen feſt die kirchē mit pro = ceſſion vnd anderm̄ haimſuchte vnd des geleij = chn̄em die öſterlichen wochen etc ∞

Das xlij Capitel wie Sant v̊lrich In groſſer kranckhaijt gen Rom zoch etc

D Ar nach als Sant vlrich an krefften ward abnemē erdacht er ain letſten gen Rom zeziehen vnd als Sant v̊lrich des wegs faren ³⁷ zu wägen ains mals pracht het Mocht er nit mer faren Da legten legtē ³⁸ Sant vlrichs die = ner In auf ain pet vnd machtē ain roſz par vnd mit hilff gotz kam er gen Rom vnd als nū Sant v̊lrich beij Sant peter vnd pauls gewe = ſen was vnd von dem babſt vnd ande²n genädi = clich ward enpfangē etc Das xliii Cȃᵖ wie Sȃnt erwarb das Adelbero Biſchoff ward etc

N Ach dem zoch Sant v̊lrich von Rom vn̄ kam gen rauern̄ das fand er kaijſer Ottē vnd ſein hauſfrawē Adelhaijden vnd als Sant

37 durchgestrichen / Korrektur

38 durchgestrichen / Korrektur

V̊lrich von In baijden dijemüticlich enpfangen̄ ward fieng Sant v̊lrich mit hilff der kaijſerin an den kaijſer zů pitten das er ſeiner ſchwester ſun mit namē Adelberon Graff zů helfenſtain Regierūg ſeins ſtifts zů Augſpurg v̈ber riter vn̄ vnſer frawē volck Jn allem gaijſtlichē vnd weltlichē woͤlt enpfelhen vnd das biſtum leijhen da mit er gaijſtlich In münchiſchem claijd got deſte² reijliche² möcht dienē Das tet alſo der kaijſer Otto vnd enpfalh Adelberoni das biſtū vnd gab der kaijser Sant v̊lrich vnd dem geſtift vil pfund golts vnd ver ³⁹ ſchickt In mit verſehūg aller notdurft von Jm vn̄ Als nun Sant v̊lrich wider gen Augſpurg kam ward Sant vlrich vnd die andern̄ mit allen freẅ = den enpfangē Dar nach lieſz Im Adelbero all rite² vnd vnſer frawē volck ſchweren vnd gehorſā tůn Da das geſchehen was Da legt Sant v̊lrich mün = chſch claijder an Als nun Adelbero Sant vlrichs ſchwesterſun das geſtift von des kaijſers erlaubē gewalticlich Inen hett waren etlich korher²n̄ das widerreden beſunderlich die die hoffnūg hetten Das ſij nach Sant vlrichs tod von dem kaijſer vnd auſz wal des Biſtumbs ⁴⁰ heten müg = en erwerben vnd dar vmb das ſöllichs redē vnd hoffnūg der ſelbē korherrn̄ gentzlich abgeſchla = gen wu ⁴¹

39 durchgestrichen / Korrektur 40 durchgestrichen / Korrektur 41 Reklaman

gen wurd lieſz ſich Adelberō zu Biſchoff weij = hen vnd vnderſtůnd ſich auch der gaijſtlichhaijt des Biſtums regieren etc Das xliiij wie Sant v̊lrich vnd Adelbero In das Concilij gladē wurdē ⸫

D Ar nach ward ain Concilij von dem kaijſer vnd andern̄ furſtn̄ gen geijlenhaijm Jn franck = en gemacht dar Jn ward Sant vlrich von ſeinē ertzbiſchoffen geladen vnd gepottē das er Adelbe = ronē mit Im precht Vns als Sant v̊lrich auf dem weg was gen geijlenhaijm begegnot Im ain armer menſch der trůg ſein Ingewaijd In ſeinē henden Dem lieſz Sant v̊lrich auſz barm = hertzikaijt ain pfennīg geben vnd ſprach Jn dem namē gottes nim hin vnd gang mit frid Dar nach fieng der arm man zehaijlen vnd ward geſund vnd kam gen Augſpurg vnd ſagt danck vnd als Sant v̊lrich vnd Adelbero In dz Concilij chamē vnd die Biſchoff Innē warē das ſich Adelbero zů biſchoff beij Sant vlrichs leben het laſſen weijchen warē ſij zornig vn̄ ſprachē er het ketzerlich getan vnd möcht göt = lich nijmē Biſchoff werden vnd als nun Sant v̊lrich Jn das Concijlij gieng vnd all ſein ſach In latein verhört vnd auſzgericht ſolt werdē Vnd Sant v̊lrich vor alter vnd auch von

kranckhaijt wegen nit lauter ſtim was das er vō ijederman In dem Concilij het mügē gehört werden erbat er Im ainē auſz ſeinē gelert pfa = ffen zu ainē für ſprechen mit namen gerhardū zegeben der ſelbig Gerhardus vor dem kaijſer Biſchoff vnd gantzem Concilij ſprach er ſeins herren Sant v̊lrichs begeren vnd fleijſſigs gebet wer die welt zů verlaſſen vnd nach Sant Be = nedicten regel zeleben vnd In abgeſchaijdem leben des Iungſten tags zewarten als ſij denn auch ſöllichen willen In Sant v̊lrich auſzwen = digen claijdern erkennē moͤchten vnd da Sant v̊l = rich verhört wurd Alſo ward am letſten beſchloſ = ſen es wer dann das Adelbero möcht geſchweren das er nit geweſt het das ſöllichs als er getan het ketzerlich wer geweſen so möcht er furo kain Biſch = off werden Als nun Adelbero den aijd verpracht kamē des andern̄ tags die Biſchoff zu Sant v̊lrich vnd ſtraften Jn mit worten wie das er ſol = lichs v̈bel ſo ſein ſchweſterſun getan het ain vrſach wer mit vil hüpſchen worten als ſein leſen Jnhelt vnd nach Sant v̊lrich begeren vnd groſſem pittē als vor geſchriben Iſt wolt vnd mocht das Con = cilij Sant v̊lrich nit geweren vnd ſchuffen mit Jm das er Biſchoff bis an ſein an der regierūg

belib Doch erlangt Sant v̊lrich ſöllich tröſtūg von den Biſchoffen das nach ſeinē tod kain ander dann Adelbero zů Biſchoff zů Aug = ſpurg erwelt ſolt werden vnd auff ſöllichs von neẅen enpfalh vnd lech der kaijſer Adelberoni das biſtum vnd gab Jm des brieff etc Das xlv wie Sant v̊lrich zů ſeins brůders ſun Regmino etc