/ 162r
Newem gewant zwolff armer menſchen vnd ander arm menſch = en lieſz er nit1 ſant vlrich nit des ſelben tags on gabt gan von Im Darnach als ſant vlrich ſich ſelbs vnd ijederman ſo peij Im warend geſpeiſt hett So fieng er an ſeinē Iungern vnd dienern2 vndertaͧn dij füſz zwachen vnd lieſz da zwiſchen ſingen vnd leſen Darnach lieſſz ſant vlrich die beſten tranck ſo er In ſeinē keller hett mit lieb vnd demüt = ticlich gnůgſamlich her tragen vnd geben Darnach ſo dij com = plet volbracht was ſo gab ſant vlrich ſein müde gelider vnd ſich ſelb ze rů
Das xxvj Capittel ſagt wie ſant vlrich den karfreitag volbracht
D Arnach an dem karfreij= tag vnder andern betten laſſz ſant vlrich zwen gantz pſ = alter vnd ſo der gotz dienſt vnd dij veſper des ſelben tags vol = bracht was ſo gieng ſant vlrich In ſein ſchlaff kamer vnd aſſz des ſelben tags nit mer denn waſſer vnd brot vnd tranck pier vnd des gleichen hieſz er den ſelben tags allen den ſeinen prot vnd pier gnůg geben
Das xxvij Capittel ―――
D Arnach an dem hailig = en oſtertag3 aubent So Sant vlrich kürſz pſalter vnd ander ſein gebett volbracht hett So gieng er frů gen bad vnd gieng ſant vlrich nun dreij mall gen bad Am ſamſtag vor der vaſten vnd zů mitterfaſten vnd an dem oſteraubent Nach dem pad ſo ſegnet ſant vlrich das feẅr vnd den hailigenn toüff In ſant Johanns kirchen vnd tauft als pald dreẅ kind da ſelb Darnach verpracht er Das ampt mit weijchung der prieſter nach allen eren Nach dem allen lieſz ſant vlrich die tiſch beraiten vnd ſaſz des ſelben tags mit vil volks ze tiſch vnd gab ijederman gnůg vnd lieſz ſij darnach mit freẅden haim gan
Das xxviij Capitl̄ ſagt was er an dem oſtertag getan hab
D Arnach an dem hailigen oſterlichen tag ſo es ains ſchlůg ſo gieng ſant vlrich In ſant Auguſtins kirchen wann da ſelb het er am karfreijtag vnſern her2en hin gelegt vnd nam mit Im wenig prieſter vnd pfaffen vnd ſang ain meſz von der hailigen triualtikait Darnach des tags als ſich die gantz prieſterſchaft hett geſam = not So gieng ſant vlrich mit groſſer zier vnd koſtlichait mit proceſſion Jn ſant Johans kirchen
1 durchgestrichen / Korrektur (im Original: Schrift schwarz, Streichung rot)
2 durchgestrichen / Korrektur (im Original: Schrift schwarz, Streichung rot)
3 durchgestrichen / Korrektur (im Original: Schrift schwarz, Streichung rot)
