¹ Das erst capitel ²:

DEr ³ haijlig herr Sant Uolrich was von hochen und wirdigen ⁴ geschlecht der teütschen ⁵ geporn. sein vater hieß Huopaldus ⁶ und was graff zuo Dilingen ⁷ und Kijeburg. sein muoter hijeß Dijepurga ⁸ als die alten gesagt habent gepornn auß den herren von Faijmingen ⁹. Sant Uolrich als er gepornn ward wie wol sein fleijsiklich gewartet und emsiklich erzogen ward. dennnocht belaijb er dijrr und mager also das sich vater und muoter vor den frömden ¹⁰ leütnn sein schämpten. und als nun vater und ¹¹ muoter umb solichs fast ¹² betrübt wärnd ¹³ kam zuo in ain frömder ¹⁴ pilgrin ¹⁵ ain pfaff und enpfieng etlich tag peij in herberg. als dann ir hauß allen pilgrein ¹⁶ und armen alweg offen was ¹⁷. der selbig pfaff oder pilgrin ¹⁸ ains tages da er zuo tisch sass hort er das kind Sant Uolrich der dannoch ¹⁹ nit zwelff ²⁰ wochen alt was ain geschraij tuon. do forst der gast oder pilgrin ²¹ wer oder ²² wes das kind were. also von scham wegen so vater und muoter von des kindes ungestalt wegen hetten da wolten sij dem gast nit antwürt geben. wann wie wol das kind Sant Uolrich von leib wol geformiert was und gestalt

was es doch ²⁴ von antlütz fast mager das es seiner ammen ain schand was. do sprach der pilgrin ²⁵: wolt ir das kind behalten so entwent das bald von muoterlicher milich. vater und muoter verachtent ²⁶ des gasts ratt und tetten des nit. in dem andernn tag hort der gast aber das kind Sant Uolrich schreijen und waijnen und sprach zuo vater und muoter: warumb habt ir nit gevolget meinem ratt? das ward ²⁷ aber verachtet ²⁸. in dem dritten tag hort der gast das des kindes geschraij krencker ²⁹ was dann vormals und sprach zuo vater und muoter: von über on fleijßikait wegen wirt ³⁰ das kind verderben und wissent fur war ist das ir daz ³¹ nit von muoter milich nement ³² so stirbt es noch in diser nacht. wirt es aber entwent so wirt es gesuont und wirt durch Got kuonfftiklich groß an im erzaigt. do volgten erst vater und muoter dem gast und speijseten das kind Sant Uolrich mit ander speijs. do nam das kind von tag ze tag fast ser des leibs zuo und wünderparlich an hübschikait. do lobten paid vater und muoter Got umb gesünthait irs kindes und umb zuo gesantnuß des gastes.

Das ander capitel ³³:

Do Sant Uolrich nuo ³⁴ vernünfft gewann do fieng er an täglich hailige werck zuo ³⁵ volbringen gotesforcht haben vater und muoter eren und all übel und boßhait vermeijden ³⁶ etc. ³⁷

Das dritt capitel hernach ³⁸:

KOLORIERTE FEDERZEICHNUNG

Darnach enpfalch vater und muoter das kind Sant Uolrich in Sant Gallen

closter. wan darin warnn auff die selbnn zeit vil edel und gaistlicher prüder die ordenlich nach Sant Benedicten regel lebten. da selbs lernet Sant Uolrich in den siben freijen künsten von ainem pruoder mit namen Waining ³⁹ und nam Sant Uolrich an kunst und zücht und weijßhait täglich ⁴⁰ fast mercklichen zuo also ⁴¹ das die prüder des selben closters Sant Uolrich offt ernnstlichen ⁴² ermanten das er ir mitpruoder wurd. und da Sant Uolrich offt ermant ward solichs gieng er zuo ainer peij dem closter versloßnen claüsnerin ⁴³ mit namen Wibrad ⁴⁴ und patt sij umb ratt wie er sich halten solt. die selbig cloßnerin hijeß Sant Uolrich über dreij tag wider komen ⁴⁵ umb antwort. die weijl patt die fraw Got das er ir erkennen geb Santt Uolrich ainen guoten ratt zuo geben. an dem dritten tag kam Sant Uolrich wider zuo der fräwen. die sprach zuo Santt Uolrich: du solt in disem closter kain gaistlich vater noch pruoder ⁴⁶ werdnn.

Es ist aber ain gegent von auffgang der suonnen da tailt ain wasser zwaij land da muost du ⁴⁷ künfftiger bischoff werden. und wirst vil und mer dann deiner ⁴⁸ forfodernn ⁴⁹ von haiden Ungernn und bösen Cristen leiden. aber du wirst das alles mit der ⁵⁰ hilf ⁵¹ Gotes loblich überwinden. solichs sagt Sant Uolrich seinen haimlichosten prüder in dem closter. als nuon Sant Uolrich an künst und gaistlich ordnüng wol underweist was kam er mit lieb und frewdnn wider haim zuo vater und muoter etc. ⁵²

Das fierd capitel hernach geschriben sagt wie Sant Uolrich von seinen vater und von muoter ward enpfolchnn dem hailigen pischoff Adelbero ⁵³ zuo Augspurg etc ⁵⁴:

KOLORIERTE FEDERZEICHNUNG Darnach enpfalch vater und muoter Sant Uolrich dem hailignn bischoff Adelberon. der selbig was bischof zuo ⁵⁵ Augspurg und was weis und wol gelert. und ward das Römisch Reich fast durch in regiert ⁵⁶. der selbig hailig bischoff Adelbero ob ⁵⁷ er etwas straffparlichs in Sant Uolrichs leben fünd das er das

straffet. der selbig hailig Adelbero als er Sant Uolrich sach von hübscher person und edlem geschlecht auch das er an zücht tugent und auch an kuonst wol geziert was macht ⁵⁸ der hailig Adelbero Sant Uolrich zuo seinem kamrer ⁵⁹. do dient Sant Uolrich dem hailigen bischoff fleijsiklich und ward im beijstendig und helffen regiernn sein bijstuom in gaistlichen und weltlichen ⁶⁰ und belaib beij im bis das der hailig bischoff Adelbero starb ⁶¹.

Das fünft capitel sagt das hernach geschriben ist wie Sant Uolrich kam gen Rom in pilgrins weijß und im ward enpfolchen von dem babst Marino ⁶² das bistuom zuo Augspurg ⁶³:

KOLORIERTE FEDERZEICHNUNG Als Sant Uolrich achtzechen ⁶⁴ jar alt ward do starb der hailig bischoff Adelbero. und ward nach im Hiltine zuo ainem bischoff erwelt. dem selbigen bischof wolt Sant Uolrich nit dienen wann sein vater was gestorben. darumb kam Sant Uolrich zuo seiner muoter und halff ir regiernn. Darnach ⁶⁵ zoch Sant Uolrich pilgreins ⁶⁶

weijs gen Rom ⁶⁷. und ward von dem ⁶⁸ babst Marino wol enpfangnn und forschet Sant Uolrich wer und wann er were ⁶⁹. Sant Uolrich antwürt: ich pin von teütschen landnn und des bischoffs Adelberonis clerick oder pfaff. der babst antwurt: Adelbero da von du sagst ist gestorben und dü muost an sein statt da selb ⁷⁰ bischoff werdnn. und underweijset der babst Sant Uolrich mit manger ler ⁷¹ das er nit verachtet bischoff zuo ⁷² werden. und von babstlichem gewalt pott der babst ⁷³ Sant Uolrich das bistuom auff ze nemen und saget Sant Uolrich alles ⁷⁴ das daz im vormauls auch die closnerin peij Sant Gallen closter gesagt hett ⁷⁵. darnach enpfalch Sant Uolrich dem almechtigen Got und seinen lieben zwelf ⁷⁶ botnn Petro und Paulo sein aigne sel auch seins liebnn hernn Adelberonis sel ⁷⁷ und zoch von Rom ⁷⁸ und kam nimmer zuo dem babst. darnach haimsuochet Sant Uolrich ander lieb hailignn und hailig stett und kam wider zuo seiner muoter etc ⁷⁹.

Das sechst capitel hernach wie Sant Uolrich erwelt ward zuo bischof ⁸⁰:

KOLORIERTE FEDERZEICHNUNG

Als Hiltine fünfzechen jar bischoff was gewesen do starb er und waz Sant Uolrich in dem dritthalb und dreisigosten jar und ward ainhälliklich zuo ainem bischoff zuo Augspurg

erwelt. und durch erwerbnn seiner swester suon hertzog Burckartz ⁸¹ und ander seiner fraind ⁸² von dem künig Hainrichen das stift gelichen ⁸³ wann Sant Uolrich dem künig ⁸⁴ an herlichait der person und ander tügent künst fast wol gefiel. und ward darnach ⁸⁵ an der kindlin tag zuo weichennachten zuo bischoff ⁸⁶ geweicht

Das vij capitel ⁸⁷:

Als nuon Sant Uolrich zuo ⁸⁸ Augspurg erwelt bestätt und zuo bischoff geweicht ward und das bistuom ein hett genomen ward er fast ernnstlich und fleisiklich betrachten mit was und welchen tugenden und ziernn ain ijeglicher bischoff geziert sol sein. und underweijsett und lernott undertaun ⁸⁹ und straffet das übel und ließ kain zeit weder tag noch nacht unutzlich hin gaun. und ward ⁹⁰ fleijsiklich betrachtnn wie das er besünderlich die ⁹¹ verfallen und verpräntnn kirchnn auch häuser und ander pew der statt Augspurg wider macht wan sölichs alles durch die

ungeläubigen fast verderbt verpräntt und zergangen ⁹² was beij des nächsten vor im bischoffs zeitten in der statt Augspurg und auff dem land allenthalben. wann die statt Augspurg vand ⁹³ Sant Uolrich mit hiltzin schrancken und gatternn und mit ainem tüll ⁹⁴ von faülem holtz umbgeben. darumb halff Sant Uolrich nach allem seinem vermugen ain nider maür ze machnn. es was auch das folck in der statt und auff dem land fast von den haijden erschlagnn und die lebendig beliben warend hungrig ellend und armm. den selben all ⁹⁵ kam Sant Uolrich gaistlich und zeitlich ze hilf nach allem seinem vermugen und stättnn und was zuo ijederman milt. er speijset täglich und klaidet ⁹⁶ vil armer leüt ⁹⁷.

Das acht capitel das hernach geschriben ist das sagt von der grünfft oder kripp in Unser Lieben Frawen kirchen ⁹⁸:

KOLORIERTE FEDERZEICHNUNG

Als nun Sant Uolrich under andernn bedacht die kripp oder grünfft in Unser Lieben Fräwen kirchen zuo weitternn und bessernn und das selbig fast volbracht was erschin ains mäls Sant Uolrichs caplan Ramperto ⁹⁹ der hailig bischoff Adelbero in bischofflichnn klaidern

in mas als er stuond in der grünfft und winckt Ramperto das er käm ¹⁰⁰ und hilff im meß haben ¹⁰¹. Rampertus der caplan ward fast ernstlichen Sant Uolrich ansehnn. da sprach Sant Uolrich zuo im ¹⁰²: wie sichst du ¹⁰³ mich an? Rampertus sprach: do sich ich mein hernn Adelberonen ¹⁰⁴. der rüfft mir das ich im meß helff haben ¹⁰⁵. Sant Uolrich sprach: so gang hin pald und was er dich haijß das tuo! da ¹⁰⁶ Rampertus nachet dem bischoff do sprach der hailig bischof Adelbero: Ramperte sag deinem hernn für die pett und almuosen die er trewlich fur mich getan hatt werd er groß lön von Gott enpfachen ¹⁰⁷. und ¹⁰⁸ das sol ¹⁰⁹ er habnn zuo ainem zaichen das ich und der hailig Fortunatus der bischoff an dem nächstnn gröndornstag ¹¹⁰ wellen ¹¹¹ mit Gottes hilff den hailigen crisem mit im segnen ¹¹². und das gepäw diser grünfft wirt nider fallen. er sol aber nit da von lassen. er sol sij mit sterkermm ¹¹³ grund undermachen. und sag den brüdernn das sij umb versampnüß ¹¹⁴ irs petts so sij für mich solten haben getan ¹¹⁵ von Got straffe ¹¹⁶

und puoß enpfachen werdnn. es seij dann daz sij sölchs gen Got versönent. und als die scheinung vergieng vand darnach Sant Uolrich ¹¹⁷ das die grünfft nider was gefallen. die ließ er ¹¹⁸ wider stercker machen und pauwen ¹¹⁹

Das neünd capitel ¹²⁰:

Darnach auff ain ander zeit was Santt Uolrich und Rampertus sein caplan zuo Wäringnn ¹²¹ mitainander in der kirchnn. und ward aber Sant Uolrich ¹²² ernstlich an sechnn und sprach Rampertus: ich ¹²³ sich meinen hernn Adelberonen in gleicher weijs ¹²⁴ als vor. der winkt mir das ich im helff meß habnn. von stund an gieng Sant Uolrich auß der kirchen. was ¹²⁵ da beschach ¹²⁶ ist nit geschriben ¹²⁷

Das zechend capitel das hernach geschriben ist sagt wie Unsers Hernn rechte hand erschin Sant Uolrich zwirend etc ¹²⁸:

KOLORIERTE FEDERZEICHNUNG

Darnach an der nacht des grönen dornnstags in dem schlaff hört Sant Uolrich ain stim die sprach ¹²⁹: bischoff Uolrich wijßest ¹³⁰ das dü heüt gest würdest ¹³¹ habnn. und als Sant Uolrich an

der stim ward erweckt betrachtet er mit im selbs wer die gest sölten sein und ward wider schlaffen. da kam wider ain stim und sprach: Uodalrice dein pett und dein almuosen ¹³² sind Got wol gefallen ¹³³. der hat zwainen ¹³⁴ deinen vorfarnn dem Fortunato ¹³⁵ und Adelberonj enpfolchen ¹³⁶ das sij dir heüt und darnach in disen hailignn festen ¹³⁷ peijstandig seijen und mit dir die hailigen sacrament segnen. am ¹³⁸ morgnn an dem hailignn donrnstag da Sant Uolrich die hailgnn meß wolt verpringnn und den crisem segnen ¹³⁹ erschinen allen gaistlichnn und weltlichnn menschnn die des ¹⁴⁰ wirdig warnd ¹⁴¹ ze sehen Unsers Liebnn Hernn Jhesu Cristi gerechte hand und machet mit den dreij bischoffen über die hailignn sacrament zaichnn ¹⁴² des hailigen crütz ¹⁴³. und als Sant Uolrich ¹⁴⁴ sein undertan gaistlich und weltlich mit den sacramentnn ¹⁴⁵ berichtet wer in dann ¹⁴⁶ bedauocht das er die zaichen gesechen hett so er im dann Unsernn Hernn in den mund gab so tet

er im sein vinger für den mund zuo zaichnn das er sölich gesicht nit sagen sölt ¹⁴⁷. und als das ampt verpracht ¹⁴⁸ was saget Sant Uolrich allen wirdignn haimlichnn was und wie im in der nacht vergangnn die erscheinung beschehen wär. und verpott in allen ob sij anders leben wolten das sij sölichs nit sagnn söltnn die weijl er lebt.

Das xj capitel ¹⁴⁹:

Darnach an dem hailigen östertag ¹⁵⁰ da der hailig priester ¹⁵¹ Sant Uolrich meß hett do erschin aber Unsers Lieben Hernn hand und segnet und machet creütz ¹⁵² mit Sant Uolrich über das hailig sacrament. do die meß verbracht ¹⁵³ ward da volget nach Sant Uolrich in den segrer ¹⁵⁴ Hainricus ¹⁵⁵ der auf den selben tag singer oder cantor was gewesen ¹⁵⁶. und vor dem ¹⁵⁷ laijen und allnn andernn personen ¹⁵⁸ fiel er Sant Uolrich ze füß ¹⁵⁹ und ruofft offenlich auß das zaichnn das da beschechnn was und er auch gesechnn hett. dem antwürt Sant Uolrich: dir wer besser du ¹⁶⁰ hetest geschwignn dann solichs dem folck gesagt!

und von stund an ¹⁶¹ gieng der selbig ¹⁶² Hainricus von Sant Uolrich und setzet sich für Sant Uolrichs bettcamer ¹⁶³. als bald fiengnn des selbnn Hainricus augnn an groß zecher giessen als lang ¹⁶⁴ bis er das gesicht verloß ¹⁶⁵.

Das xij capitel das hernach geschribnn ist sagt wie im Sant Affra erschin etc ¹⁶⁶:

KOLORIERTE FEDERZEICHNUNG

Darnach aber ains nachtes als Sant Uolrich schlieff und an seiner ruo ¹⁶⁷ was erschin im Sant Affra in hübscher gestalt mit auffgeschürtztem ¹⁶⁸ rock und sprach zuo Sant Uolrich: stand auff und volg mir nach! von stünd an ward Sant Uolrich von Sant Affram ¹⁶⁹ auf des lechfeld gefuort. da sach Sant Uolrich den zwelf botnn ¹⁷⁰ Sant Peter sitzen ¹⁷¹ in ratt und concilio mit vil bischoffen und andernn ¹⁷² hailignn die Sant Uolrich vormals in ¹⁷³ leben hett erkant und ¹⁷⁴ ain tails ¹⁷⁵ da selbs ward erkennen. und under mengerlaij von den lieben selen klagnn ¹⁷⁶ so sij hettnn über die lebendignn ir durchächter ¹⁷⁷ höret Sant Uolrich auch ain groß klag von den hailignn über hertzog Arnolf der auf die selben zeit lebendig und hertzog ze Paijren ¹⁷⁸ und im Norckaw was wie der selb hertzog vil klöster und gotzhäuser erstöret und der gült und guoter in der ¹⁷⁹ laijen hend tailet. und warend da selbs zwaij schwerter erschinen von Sant Peter und er zaiget ¹⁸⁰ ains mit ainem gehültz das ander oun gehültz und sprach

Sant Peter zuo Sant Ulrich: sag dem künig ¹⁸¹ Hainrich das der der ¹⁸² on bischofflich weich das reich besitzt als tuglich ist als das schwert on gehültz.

Das xiij capitel ¹⁸³:

Darnach zaigt Sant Affra Sant Uolrich vil stett da ¹⁸⁴ groß streitt von den ungläubignn und bösen Cristen solten beschechnn und kaijser Ött darnach von Sant Uolrich ermanen schlösser hin pawet ¹⁸⁵. und das die Unger groß übel wurdnn tuon ¹⁸⁶. aber der sig des schwertz wurd von Got den Cristen behalten. und als Sant Affra Sant Uolrich vil underweist und gelertt hett und die erscheinung ergieng ward Sant Uolrich ¹⁸⁷ wider in sein ruo gefiert. sölich erscheinung saget darnach ¹⁸⁸ dienen ¹⁸⁹ die er am liebsten hett. Sant Ulrich kam auch der ¹⁹⁰ erscheinung an des künigs ¹⁹¹ Hainrichs hoff und dienst bis er gestarb ¹⁹².

Das xiiij capitel etc ¹⁹³:

Als nün künig Hainrich starb und Otto sein sün künig ward ¹⁹⁴ enpfalch sich Sant Uolrich seinem dienst.

und das selbig ¹⁹⁵ mal hett Sant Uolrich seiner schwester Lütgarte ¹⁹⁶ sün mit namen Adelbero ¹⁹⁷ als die legend erkennen gibt so ist er ain gräf zuo Helffenstain gewesnn wol gelertt und erzognn und von der schuol genomen. den selben Adelberon enpfalch Sant Uolrich dem kaijser Otto daz er an seiner ¹⁹⁸ statt mit ritternn und knechtnn von des stiffts wegnn stätiklich an des kaijsers hoff dienen sölt ¹⁹⁹. also von grosser mercklich ²⁰⁰ dienst wegen so Sant Uolrich den künignn und dem reich getan hett erworten ²⁰¹ das er in ruo und rastüng gotesdienst voller volpringnn ²⁰² möcht ward Sant Uolrich von kaijser Öttnn erlaübt ²⁰³ das Adelbero an seiner statt dem kaijser dienen möcht etc ²⁰⁴ .

Item wie Augspurg ward gewunnen und vil folcks erslagen und gefangen etc ²⁰⁵:

KOLORIERTE FEDERZEICHNUNG

Und nün als ²⁰⁶ Sant Uolrich vil groß loblich gotzdienst und hailige ²⁰⁷ werck emsiklich vor zuo seiner kirchen und folck volbracht erdacht der böß feind seinen

saumen ze seen und das guot mit übel underkuomen und ordnätt das hertzog Lütolff ²⁰⁸ des kaijsers ²⁰⁹ Otten suon und hertzog Hainrich von Nörckaw des kaijsers Ottnn pruoder feind wurdnn. also do kaijser Ött seinen ²¹⁰ pruoder Hainrich ²¹¹ und Lütolffen sein suon mitanander ²¹² nit mocht verrichten ²¹³. do saget ²¹⁴ der kaijser Ott ²¹⁵ seinem pruoder hertzog Hainrichen zuo wider seinen suon zuo helffen. und als nuon umb hilff hertzog Hainrich ²¹⁶ peij seinem pruoder kaijser Ottnn ²¹⁷ in Sachsen was het er Arnolffen dem pfaltzgraufen beij Rein des offt ²¹⁸ vorberürtnn hertzog Arnolfs suon die statt Regenspurg und das hertztuom ²¹⁹ Norckaw enpfochen ²²⁰. do schluog der pfaltzgrauf Arnolf mit der stat Regenspurg und allem das ²²¹ im enpfolchn was umb ²²² und machet sich helffer hertzog Lütolfs des kaijsers suon. da der kaijser des innen ward wolt er seinen pruoder hertzog Hainrichnn in sein land ²²³ wider ein

setznn und berüfft zuo ²²⁴ hilff alle des reichs undertaun. da kam Sant Uolrich mit seiner macht dem kaijser zuo ²²⁵ hilff. und wie er mocht besetzt er die statt Augspurg. uond als nuon Sant Uolrich ettwan ²²⁶ lang beij dem kaijser wider hertzog Lütolffen was besamnott ²²⁷ der hertzog ²²⁸ Arnolff ain groß menig folcks ²²⁹ und kam für die statt Augspurg und gewan die und nam leüt und guot darauß und verprantt die und schluog auch vil ²³⁰ folcks ze tod und fuort auch mit dem raüb vil gefangnn ritter und knecht gen Paijrnn ²³¹. und ettlich auch Sant Uolrichs knecht würdnn abtrinig. als nuon Sant Uolrich ²³² solichs verkünt ward von stuond an zoch er von des kaijsers ²³³ hoff gen Augspurg und da ²³⁴ mit seinen dienernn ze rautt das er sich mit seiner macht und überbelibnn folcks solt in den markt Menichingnn ²³⁵ legnn und den selben für die feind pauwen. also wie groß woal ²³⁶ winter zeitt ²³⁷ was

ließ Sant Uolrich dennoch ²³⁸ pald Menichingnn ²³⁹ nach vermügnn fest und guot machnn ²⁴⁰. als nün hertzog Arnolf innen ward das sich Sant Uolrich zuo ²⁴¹ Menichingnn ²⁴² samnet und pawet ²⁴³ dett er im bottschafft das er sich ²⁴⁴ mit allen den seinen undertänig machet und von des kaijsers ²⁴⁵ Öttnn dienst gieng wolt er anders sein selbs und ander der sein ²⁴⁶ leben behaltnn. Santt Uolrich gab dem hertzog ²⁴⁷ hübsch und diemütig antwürt. er nam zil und tag sich umb solichs bedencken ²⁴⁸. er kauft ²⁴⁹ ain zeit frid umb gelt als lang bis er Menichingnn ²⁵⁰ fest und starck wider die feind hett lassen machen. da ließ Sant Uolrich hertzog Arnolffen sagnn er wolt sich von des kaijsers Ottnn ²⁵¹ und des reichs gehorsam nit ziechnn. do besamnot ²⁵² Arnolfus fast ain groß her ²⁵³ und vermaint den bischoff und die seinen undertänig ²⁵⁴ machen ²⁵⁵. und als nuon Sant Uolrich innen ward das sich Arnolfus wider in stercket und samnett schicket Sant

Uolrich botschafft zuo im und ließ in pittnn davon ze lassen und versprach ²⁵⁶ im groß gelt darumb zuo geben. empfalch auch seinen botnn wölt Arnolfus ije nit ablassen so söltnn sij im und den andernn beij dem bann pietnn. das verachtet als ²⁵⁷ hertzog Arnolf und verlegt Sant Uolrich und die seinen zuo Menichingnn ²⁵⁸ an der hernn fasnacht und verderbt allenthalbnn daz land ²⁵⁹.

KOLORIERTE FEDERZEICHNUNG

Sant Uolrich lag umb solichs tag und nacht an seinem bet ²⁶⁰. und als Sant Uolrichs vetter mit namen ²⁶¹ graf Adebertus ²⁶² und graf Theobaldus ²⁶³ Sant Uolrichs pruoder solichs verstuonden ²⁶⁴ zuo ²⁶⁵ hand haimlich samnetnn sij ain groß folck. und an dem möntag in der erstnn fastwochnn am morgnn fruo überfielnn sij haimlich die feind in dem her und zelten und machten ain groß flücht in die feind. und wardnn vil an der flücht und in ²⁶⁶ den zeltnn erschlagnn und kamen lützel mit leben darvon und würdnn allsampt werlos. dann ainer mit namen Egloff ²⁶⁷ sluog graff Adelberto ²⁶⁸ ain klain wundnn in den arm. davon er starb als daz Sant Affra Sant Uolrich gesagt hett. den selben Adelbertum ²⁶⁹ fuort Sant Uolrich gen Augspurg und begruob in inn Unser Frawen kirchen zuo Sant Walpürgnn altar. der vor genant Egloff ward

auch von stund an erschlagnn von ainem des graufen diener mit namen Luotprecht ²⁷⁰. also das kainer davon kam der vormauls Augspurg und Unser Frawen leüt und guot betrübt hett ²⁷¹. er hett dann buoß darumb enpfangnn und widerkert. und ward auch hertzog Herman ²⁷² des Arnolfs ²⁷³ suon gefangnn an der flücht ²⁷⁴.

Das xv capitel ²⁷⁵:

Ainer auß dem bistuom Aichstett ²⁷⁶ der hett geraübt zuo Augspurg ain tischtuoch. da er das haim pracht ward er von stund an vom dem teüfel besessen das er kain ruo noch rast mocht haben. in half auch nit ²⁷⁷ das weichwasser. in bedaücht alzeit der teüfel wer sein unschidlicher nenchster gesell als lang ²⁷⁸ bis er gen Augspurg kam und daz tischtuoch wider gab und gnad ²⁷⁹ und ablas von Sant Uolrich gewan. und ain ander sein gesell der fraß ²⁸⁰ im selb sein hend ab und zeriß als lang pis er starb. ain ²⁸¹ ander hett ain puoch geraübt zuo Augspurg ²⁸².

darumb hett er im ain röß kaüfft und als er das roß haim prächt zaiget er das seiner haußfrawen und sprach: ist mir nit nützer ich hab ain hubschs ²⁸³ pferd dann das ich das puoch darumb ich das roß koüft hab ²⁸⁴ zuo Augspurg hett ²⁸⁵ lassen ligen ²⁸⁶? die haußfraw antwürt: dir wer nützer dein hend hettnn das puoch unrechtiklich ²⁸⁷ nije angriffen! als pald ²⁸⁸ straich ²⁸⁹ und zartet er dem pferd umb ²⁹⁰ den ars. do schluog das pferd auff und schluog in ze tod. de ²⁹¹ geleichnn zaichnn beschächnn fast ²⁹² vil. darumb kam ²⁹³ gar ain groß forcht in ijederman das nit allain die geraübt und Unser Frawen selbs schadnn hettnn getän sunder auch die darzuo gerattnn und geholfen hettnn oder von den selbnn enpfangnn ²⁹⁴ oder sünst des stiffts guot unordenlich innen ²⁹⁵ hettnn kamen ²⁹⁶ gen Augspurg zuo Sant Uolrich umb buoß und widerkertnn das ²⁹⁷.

Das xvj capitel sagt wie kaiser Ott und sein suon gegen ainander streijtten wolten etc ²⁹⁸:

Darnach als nün kaiser Ött ain groß folck gesamnett hett und der ²⁹⁹ Ijler beij Tüssen ³⁰⁰ ze feld lagnn und gegnn im sein suon hertzog Lütolff auch mit grossem folck und wartetnn ains streits gegnn ainander. da understuond sich Sant Uolrich mit dem bischoff von Kür ³⁰¹ genant Harpertus ³⁰² die feintschafft zwischen den hernn zuo ³⁰³ verrichtnn das groß pluotvergiessen so an baidn seittn in unsäglicher ³⁰⁴ menig folcks warnn ³⁰⁵ vermiten wurd. und mit hilff des almechtignn Gotes und der Liebnn Hailignn verrichtet Sant Uolrich und der bischoff Harpertus ³⁰⁶ die hernn mitainander. do ward von allem folck unausprechenlich groß freüd und Got voran und Sant Uolrich und dem wirdigen bischoff Hartperto groß lob und er ³⁰⁷ gesagt. und enpfieng kaijser Ott hertzog ³⁰⁸ Luotolffen sein suon mit grossen freüdnn wider haim ³⁰⁹.

Das xvij capitel sagt wie die ungläubigen komen in teutsche land ³¹⁰ :